Metro və avtobuslarda gediş haqqı QALDIRILIR? - AÇIQLAMA

Metro və avtobuslarda gediş haqqının artırılacağı barəsində vətəndaş arasında fikirlər yayılıb. Azərbaycanda Metro və avtobuslarda gediş haqqı artırıla bilərmi?

Məsələ ilə bağlı iqtisadçı Rəşad Həsənov Sonxeber.az-a açıqlama verib.

İqtisadçı bildirib ki, hazırda nəqliyyat tariflərinin artırılması istiqamətində hər hansı ciddi iqtisadi amillər yoxdur:

"Düşünürəm ki, hazırda nəqliyyat tariflərinin artırılması istiqamətində hər hansı ciddi iqtisadi amillər yoxdur. Son qiymət artımından sonra yanacaq qiymətləri artmayıb, inflyasiya səviyyəsi optimallaşıb ki, bu da digər xərclərin artım risklərini azaldıb, əməkhaqqı artımı olmayıb. Bu şərtlər daxilində nəqliyyat tariflərinin artırılmasını əsaslandırmaq çətindir. Bununla belə, onu da vurğulamaq lazımdır ki, bir sıra hallarda qəbul edilən qərarların, o cümlədən tarif şurasının bəzi qərarlarının rasional izahı olmur. Yəni, sabah bənzər qərar qəbul edərək gediş haqqı tariflərini artırsalar buna da təəccüblənmənəm".

Qeyd edək ki, Tarif (qiymət) Şurasının 31 yanvar 2023-cü il tarixli iclasında metro və sərnişindaşımada gediş haqlarının artırılmasına dair qərar qəbul edilib.

Şura təklifləri müzakirə edərək metroda sərnişindaşıma tarifini 40 qəpik, müntəzəm şəhərdaxili marşrutlarda tarifin yuxarı həddini 40 qəpik , şəhərətrafı və qəsəbələrarası avtobus marşrutları üzrə tarifi məsafədən asılı olaraq 40 qəpik-1 manat arası, müntəzəm şəhərlərarası avtobus marşrutlarında tarifin yuxarı həddini 1 kilometr üçün 3 qəpik (əvvəlki tarif 2,4 qəpik), Bakı-Sumqayıt (Sumqayıt-Bakı) avtobus marşrutlarında tarifi 60 qəpik (əvvəlki tarif 50 qəpik) səviyyəsində müəyyənləşdirib.

Gülcahan Məmmədova

Telegramda izləyin