Mərhum xanəndənin nəvəsinin öldüyü hadisə necə baş verib?
Mərhum xanəndə Eynulla Cəbrayılovun nəvəsi 1988-ci il təvəllüdlü Nurlan Cəbrayılovun ölümü ilə bağlı açılmış cinayət işi üzrə məhkəmə prosesi başa çatıb.
"Qafqazinfo" xəbər verir ki, ötən il iyunun 4-də Sabirabad Sənaye Məhəlləsində yerləşən gübrə istehsalı məntəqəsində baş vermiş hadisə ilə əlaqədar müəssisənin texnoloqu, Türkiyə vətəndaşı Atıf S. təqsirləndirilib.
Məhkəmədə mərhum Nurlan Cəbrayılovun ailə üzvləri bildiriblər ki, o, müəssisədə mühafizəçi kimi işə götürülsə də, heç bir təhlükəsizlik tədbirləri görülmədən təhlükəli istehsalat prosesinə qanunsuz olaraq cəlb edilib. Həmçinin Nurlan orada 3 aydan artıq müddətdə çalışsa da, onun əmək müqaviləsi hadisədən sonra elektron sistemə qəbul edilib və xeyli müddət qanunsuz olaraq işləməyə məcbur edilib. Zərərçəkən tərəf texnoloqla yanaşı, MMC-nin təsisçisi və rəhbəri olan Etibar Baloğlanovun da cinayət məsuliyyətinə cəlb edilməsini tələb ediblər.
O da bildirilib ki, N.Cəbrayılov hadisə vaxtı, saat 23 radələrində gübrə istehsalı məntəqəsində tək olub və Atıf telefon vasitəsilə onu yönləndirib. Bu zaman gübrə məhlulu Nurlanın üzərinə tökülüb və onun bədəninin 80 faizindən çoxu yanıb. Ağır xəsarət alan gənc Bakıdakı ixtisaslaşmış xəstəxanaya çatdırılsa da, bir neçə gün sonra vəfat edib.
Türkiyəli mütəxəssis Sabirabad Rayon Məhkəməsinin hökmü ilə Cinayət Məcəlləsinin 162.2-ci (əmək mühafizəsi qaydalarını pozma ehtiyatsızlıqdan insan ölümünə səbəb olduqda) maddəsi ilə təqsirli bilinib. Məhkəmə ona 2 il müddətinə azadlıqdan məhrumetmə cəzası təyin edib. Onun bir il müddətə texnoloq qablaşdırıcı vəzifəsi tutması da qadağan edilib və cəzasını məntəqə tipli müəssisədə çəkməsi bildirilib.
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Evi həmişə təmiz saxlamaq üçün nənələrdən qalan 7 təsirli məsləhət
Ardıcıl 3 gün YAĞIŞ YAĞACAQ - Bu tarixdən...
AzTV-nin aparıcısına vəzifə verildi
Çin sürətlə su anbarları inşa edir: Bunun arxasında nə dayanır?
Hər gün nə qədər su içmək lazımdır? - Alimlər real normanı açıqladı
Bakıda faciəvi şəkildə ölən ər-arvadın - Fotosu
Abşeronda bir məktəbdə TƏDRİS DAYANDIRILDI
Azərbaycanda 3 uşağa görün kimin adı QOYULUB
Qadına xalta taxıb gəzdirdi, sonrası daha skandal! - VİDEO
Onlar da müəllim işləyə biləcək - Siyahı
Damla buna görə efirlərə çıxmır
Vüsalənin bu VİDEOsu müzakirə yaratdı
13 gündür itkin düşən gəncdən acı xəbər
"TikTok"da bilet tələsi: konsert istəyən vətəndaşı belə aldatdılar - ŞİKAYƏT
Leysan olacaq, dolu düşəcək - Xəbərdarlıq