"Türkiyədəki SOCAR-ın ofisinə edilən basqın regionda vəziyyəti yenidən gərginləşdirməyə hesablanmış addımdır" - DEPUTAT

Bu gün bəzi qüvvələr Azərbaycan-Türkiyə arasındakı qardaşlıq münasibətini pozmaq üçün müxtəlif təxribatlara əl atırlar".

Bunu Sonxeber.az-a danışan deputat İqbal Məmmədov deyib.

Deputat qeyd edib ki, Türkiyədəki SOCAR-ın ofisinə basqın da iki dost ölkə arasındakı münasibəti korlamaq istəyən qüvvələrin növbəti təxribatıdır:

"Azərbaycanda olduğu kimi Türkiyədə də SOCAR ən önəmli qurumdur. Mayın 31-də bir qrup fələstinli fəalın şirkətin İstanbuldakı ofisinin binası qarşısında təxribat törətməsi Azərbaycan-Türkiyə dostluğuna kölgə salmağa istiqamətləndirilmiş addımdır. Heç şübhəsiz ki, bu Türkiyədə kök salan və İrandakı bəzi qüvvələr tərəfindən idarə olunan təxribat idi. Heç bir siyasi çəkisi olmayanlar Fələstini bəhanə edərək bu cür murdar əməli törətdilər. Aksiyaçıların Azərbaycanı İsrailə neft tədarük etməkdə günahlandırması absurd yalandır. Hər kəsə məlumdur ki, SOCAR İsrailə neft satmır. Bilirsiniz ki, təkcə Azərbaycan nefti yox, bütövlükdə dünya neft bazarında bütün şirkətlər mallarını treyderlərə satırlar. Nəyinki SOCAR, digər şirkətlər də treyderlərin sonrakı mərhələdə nefti kimə satdığına nəzarət edə bilməzlər Bu gün bizim hansısa treyder şirkətinə bu mövzuda diktə etmək səlahiyyətimiz yoxdur".

Deputat vurğulayıb ki, Türkiyədəki SOCAR-ın ofisinə edilən basqın bibaşa regionda vəziyyəti gərginləşdirməyə hesablanmış addımdır:

"44 günlük Vətən müharibəsi və ondan sonrakı dövrlərdə əldə etdiyimiz zəfərlər bu gün bəzi qüvvələri narahat edir. Bu cür müxtəlif təxribatlarla Azərbaycanı
tutduğu doğru yoldan çəkindirməyə çalışırlar. Hər zaman olduğu kimi bu gün də ölkəmiz üzərindən qurulan oyunlar iflasa uğrayacaq. Çünki nəyi, necə, nə vaxt etmək lazım olduğunu bilən Ali Baş Komandanı var".

Telegramda izləyin