Hər bir vətəndaş yığılan pensiya kapitalının MƏBLƏĞİNİ BİLMƏLİDİR - AÇIQLAMA

Bildiyimiz kimi, Azərbaycanda pensiya sistemi ilə bağlı ciddi narazılıqlar var. Artıq insanlar pensiya yaşına çatmadan vəfat edir və pensiya kapitalı ortada qalır. Vəfat edən şəxsin pensiya kapitalı həyat yoldaşına verilir. Amma yığılan kapital vərəsələrinə ötürülmür. Vətəndaşlar xəstəlikləri, problemləri olduqlrı bu halda pensiya kapitalından istifadə edə bilmirlər. Bu baxımdan Azərbaycanda vətəndaşların pesniya kapitalından istifadəsi, o cümlədən vərəsələri arasında blüşdürülməsi istiqamətində hansı addımlar atıla bilər?

Mövzu ilə bağlı Sonxeber.az-a danışan sosioloq Əhməd Qəşəmoğlu deyib ki, Azərbaycanda pensiya sistemi yarıtmaz vəziyyətdədir. Yəni bunu tezliklə düzəltmək lazımdır. Müasir dövrdə, qabaqcıl dövlət üçün bir çox məsələlər öz qaydasına düşməlidir:

"Bunlardan biri də pensiya problemidir. Görün necə eybəcər bir vəziyyət yaranıb. Bütün ömrü boyu prokuror , məhkəmə və hüquq-mühafizə orqanları işləyən bir adamların aldığı əməkhaqqıdan başqa, əlavə gəlirləri olur. Bu heç kimə sirr deyil. Onların həyat şəraitinə baxanda hər şey aydındır. Bu adamlar pensiyaya çıxanda 2-3 mindən manatdan artıq pensiya alırlar. Amma bütün ömrünü elmə həsr edən, Azərbaycanda xeyli kadr yetişdirmiş adam pensiyaya çıxanda cüzi bir məbləğ alır. Bu pensiyada onun yaşlanmış vaxtda dərman puluna çatmır. Ona görə də Azərbaycanda pensiya sistemi köklü şəkildə dəyişməlidir".

Sosioloqun sözlərinə görə, hazırda mövcud sistem Azərbaycanın adına layiq bir pensiya sistemi deyil:

"Bir çox adamları vergi verir, pensiya yaşına 1 il yaxud bir neçə ay qalmış vəfat edir. Onun pensiyası isə məhv olur. Bu adam axı öz əməkhaqqından pensiya verib. Bu kapital niyə itməlidir ki? Çində pensiya sistemi çox maraqlıdır. Adamlar ömrü boyu pensiya sisteminə əməkhaqqından pul verir. Konkret məbləğ formalaşır və şəxs vəfat etdikdən sonra bu məbləğ ailəsinə qayıda bilər. Digər tərəfdən bu məbləği ailəsi bağışlaya bilər. Bu yığılan pensiya ilə bağlı məsələni ailə özü həll edir. Bizim qanunvericilikdə belə bir sistem yaradıla bilər. Böyük bir məbləğ varsa, yaxşı olar ki, məbləğin miqdarını şəxsin özü də bilsin. Bu baxımdan burada tam olaraq yaş məsələsi ilə birlikdə, mövcud problemlər aradan qaldırılmalıdır. Əməkhaqqından yığılan pensiya şəxs niyə bilməməlidir ki, bu pul nə qədərdir yaxud haradadır. Bu baxımdan köklü dəyişikliklərə ehtiyac var".

Sevda Səfərova

Telegramda izləyin