Uşaqlarını təhsildən yayındıran valideynlər cinayət məsuliyyətinə CƏLB EDİLSİN - TƏKLİF

Bu gün Azərbaycanda erkən nikahları artması ciddi problemə çevrilir. 18 yaşına çatmayan qızlar analıq məsuliyyətini ailələri tərəfindən evləndirilir və analıq məsuliyyətini daşımaq məcburiyyətində qalırlar. Nəinki qızlar, 18 yaşına çatmayan oğlan uşaqlarının təhsildən yayındırılma halları mövcuddur. Azərbaycanın bir sıra bölgələrində valideynlər tərəfindən uşaqları təhsildən yayındırılır və onun bir fərd kimi yetişməsinə imkan vermirlər. Uşaqların təhsildən yayındırılması bir çox problemləri özündə yaradılır. Uşaqlar əmək istismarına məruz qalır, o cümlədən valideynləri tərəfindən küçələrdə diləndirilir. Azərbaycanda uşaqların təhsildən yayındırılması ilə bağlı valideynlərə hansı cəza verilməlidir?

Mövzu ilə bağlı Sonxeber.az-a danışan sosioloq Mətanət Məmmədova deyib ki, uşaqların təhsildən yayındırılması çox ciddi bir problemdir. Bu ölkənin gələcəyi üçün ciddi təhlükə yarada bilər. Bununla əlaqədar cəzalandırma ilə bağlı qanunlar olarsa çox yaxşı olar:

"Valideynlər var ki, bir neçə səbəbdən övladlarını təhsil yayındırırlar. Bunun birincisi işləməklə bağlıdır. Valideyn icazə verir ki, övladı təhsildən yayınsın və evə pul gətirsin. Digər tərəfdən valideyn övladını təhsildən yayındırmaqla evliliyə sövq edir. Bunların hər ikisi ilə valideynlər cinayət məsuliyyətinə cəlb olunmalıdır. Ailə münasibətləri ilə götürəndə, Validənin övladını təhsildən yayındırması onun hardasa anormal bir haldır. Övladına sevgisi olan və gələcəyini düşünən bir valideyn uşağını təhsildən yayındırmamalıdır. Hardasa sosial vəziyyəti çox aşağı olarsa, valideynin hər ikisi xəstəliyi yaxud problemi olarsa, uşaq övladın icazəsi ilə 15 yaşından işləyə bilər. Digər hallarda 18 yaşdan şəxsin işə cəlb edilməsi yolverilməzdir. Bununla bağlı müvafiq cəza sistemi mövcuddur".

Sosioloqun sözərinə görə, qızlarımızın təhsildən yayındırılıb ailə həyatı üçün evlərdə saxlanılması da qəbuledilməzdir. Bununla əlaqədar qanunvercilikdə müvafiq cəza sistemi öz əksini tapmalıdır:

"Bir tərəfdən erkən nikahların qarşısını alaq deyirik. Bu bir problemdir. İkinci bir hal isə onların ailə vəziyyəti ilə bağlı gələcəkdə çıxan problemlərin valideynlər tərəfindən yaradılmasıdır. Bu da boşanmaların çoxalmasına və uşaqların ölümlərinin artımına gətirib çıxarır. Bir sözlə övladlarımızın işləməsi haqqında müvafiq qanun çərçivəsinin qəbul edilməsi gözəl bir nəticə verə bilər. Əlbəttə ki, bununla bağlı məqam indiki qanunvericilikdə öz əksini tapıb. Amma daha ciddi əlavələr olunmalıdır. Hazırda 15 yaşından və ondan aşağı olan uşaqların işləməyə cəlb edilməsi var və hökmən qarşısı alınmalıdır. Əks halda bu gələcəkdə heç də nəticə yaxşı verməyəcək. Bu ilk olaraq təhsildən yayınma hallarının, uşaq cinayətlərinin artması və erkən nikahların çoxalması kimi problemlərin artması deməkdir".

Sevda Səfərova

Telegramda izləyin