Ölümün yaxınlaşmasının iki əlaməti

Nəfəs darlığı və ya "hava aclığı" ölümün yaxınlaşmasının ən bariz əlamətlərindən biridir.

Sonxeber.az oxu.az-a istinadən bildirir ki, bu qənaətə ABŞ-nin Qocalmanın araşdırılması institutunun alimləri gəliblər.

Alimlər qeyd ediblər ki, qaçılmaz ölümün əlamətləri ya fiziki, ya da psixoloji olur. Birincisinə, çox vaxt "hava aclığı" adlandırılan nəfəs darlığı daxildir. Eyni zamanda, orqanizmin göndərdiyi açıq-aşkar bir siqnal diqqət və konsentrasiyanın pisləşməsidir.

"Depressiya və yüksək narahatlıq hissi ölümün yaxın vaxtda baş verəcəyini bildirən ən çox müşahidə edilən psixi sağlamlıq simptomlarıdır", - deyə materialda bildirilir.

Mütəxəssislər, həmçinin müəyyən ediblər ki, yüksək yorğunluq və yuxululuq ölümün yaxınlaşdığını göstərə bilər.

"Ölmək üzrə olan insanlar daha az aktiv olmağa, daha çox istirahət etməyə və əvvəlkindən əhəmiyyətli dərəcədə çox yatmağa meyilli olurlar", - deyə alimlər vurğulayıblar.

Telegramda izləyin

instagramda izləyin