"Valideyn uşağa telefon verib "başından edir", onlar cinayətə cəlb olunmalıdır" -Sosioloq

Son zamanlar uşaqlarda aqressiv hallar artıb. Məktəblərdə bıçaqlanma halları və yeniyetmələr arasında mübahisələr bunu sübut edir. Bəs bunun səbəbi nədir. Valideyn uşaqları ilə düzgün münasibət qura bilirmi?

Məsələ ilə sosioloq Mətanət Məmmədova Sonxeber.az-a açıqlama verib.

Sosioloq valideyn nəinki evlərdə, hətta ictimai nəqliyyatda da uşaqların əlinə telefon verib, oyunlar oynamasına icazə verir:

"Bu gün cəmiyyətimizin əsas problerindən biri də valideynlərin uşaqları müharibə mövzulu oyunlara cəlb etməsidir. Uşağın başının qarışması üçün uçaqların bu oyunları oynamasına icazə verirlər Hər bir valideyn düşünməlidir ki, bu oyunlar gələcəkdə uşaqlarımza necə təsir edəcək. Bunu hiss etmək çətin deyil. Uşağın oynadığı oyunların səs küyündən bunu asandlıqla anlamaq olur. Vəhşiliyə, qəddarlığa sövq edən oyunlarla böyüyən uşağın sabahı necə olacaq. Bu valideynlər cinayətə cəlb olunmalıdır. Çünki, onlar gələcəyi məhv edirlər. Çünki valideyn övladını başqa maraq dairələrinə də cəlb edə bilər. Valideyn nəinki evlərdə, hətta ictimai nəqliyyatda da uşaqların əlinə telefon verib, oyunlar oynamasına icazə verir".

Valideyn başa düşmür ki, bu cür vəhşilik ehtiva edən oyunlar ətrafdakılara da pis təsir edir. Bu da onu sübut edir ki, bu insanlar normal valideyn deyillər. Hər yerdə deyilir ki, bu oyunlardan uşaqlar uzaq tutulmalıdır. Hər bir uşaq öz yaş həddinə görə əyləncələrlə məşğul olmalıdır. Valideyn cizgi filmlərə ilk növbədə özü baxmalı, düzgün olduğuna qərar verdikdən sonra uşağa izlətməlidir. Belə olarsa uşaqlarımız sağlam və gələcək üçün yaxşı vətəndaş kimi yetişə bilər".

M.Məmmədova bildirib ki, valideyn rahat televiziyaya baxmaq və ya dostları ilə danışmaq üçün uşağı "başından edir"

"Biz bu gün qəddarlığı, vəhşiliyi qan tökməyi, vuruşmağı özündə ehtiva edən oyunları övladlarımızın oynmağına icazə veririksə, bəli onların gələcəyi sual altındadır. Həmin uşaq gələcəkdə bağşada, məktəbdə, iş yerində özünü apara bilməyəcək. Dalaşmağa, kimdənsə özünü üstün tutmağa meyilli olacaqdır. Bunun da sonu cinayət olacaq. Bu gün məktəblərdə aqressivlik hissinin artmasının səbəbi valideynlərin övladılarına qarşı olan soyuq münasibətinin nəticəsidir. İntiharların çoxalmasının səbəbi məhz bu tip oyunlardır. Bu oyunlar uşağı vəhşi qəddar mühitdə böyüdür.

Valideyn rahat televiziyaya baxmaq və ya dostları ilə danışmaq üçün uşağı "başından edir". Belə bir şey ola bilməz. Bu məsələdə günah da vəzifədə anaların üzərinə düşür. Çünki adətən uşaqlar anaların yanında qalır. Adətən evdə ata işləyir, uşaq ana ilə qalır. Ona görə də uşaqların tərbiyəsinə ana cavabdehdir. Əgər ata belə tip oyunları evə alıb gətirirsə, ana onunla mübarizəyə çıxmalıdır. Yeri gəlsə onu məhkəməyə də verməlidir. Yalnız bu halda övladlarımızı aqressiyadan uzaq tuta bilər və gələcək üçün onlara sağlam təminat verə bilərik. Bəzən ana uşağı gəzməyə belə çıxarmır, telefonu uşağın əlinə verib, başlarından edirlər. Bu zaman da uşaq istədiyi oyuna girir. Nəticədə isə onda aqressivlik yaranır. Bu böyük cinayətdir. Bu tip valideynlər məhkəməyə verilməlidir. Uşaqlar bizim gələcəyimizdir. Onların hər birinin yetişməsi nəinki ata-ananı , cəmiyyətin hər bir üzvünün vəzifəsidir".

Gülcahan Məmmədova

Telegramda izləyin