FHN əməkdaşının iş yoldaşını güllələməsi ilə bağlı RƏSMİ AÇIQLAMA

Odlu silahla iş yoldaşını öldürməkdə şübhəli bilinən şəxs tutulub.

Bu barədə Sonxeber.az-a Gəncə Şəhər Prokurorluğundan məlumat verilib.

Bildirilib ki, iyunun 10-da, saat 15 radələrində bir nəfər şəxsin odlu silahdan açılmış atəş nəticəsində ölməsi barədə Gəncə şəhər prokurorluğuna məlumat daxil olub.

Araşdırmalarla 1994-cü il təvəllüdlü Zahid Sarıyevin aralarında yaranmış mübahisə zamanı şəhər avtovağzalının qarşısında iş yoldaşı 1998-ci il təvəllüdlü Mehrac Əsədova odlu silahdan atəş açaraq onu qəsdən öldürməsinə əsaslı şübhələr müəyyən edilib.

Faktla bağlı Gəncə şəhər prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanaraq ibtidai istintaq aparılır.

Zahid Sarıyev şübhəli şəxs qismində tutulub.

16:47
Gəncədə Fövqəladə Hallar Nazirliyinin iki əməkdaşının mübahisəsi qanla bitib.

"Unikal"ın məlumatına görə, mübahisə zamanı onlardan biri digərini odlu silahla güllələyib.

1991-ci il təvəllüdlü Mehrac Əsədov aldığı güllə yarasından hadisə yerində ölüb.

Hadisə yerinə təcili tibbi yardım briqadaları cəlb olunub.

Qeyd edək ki, hadisə həmin şəxslərin VAZ-2106 markalı avtomobillə hərəkətdə olan zaman baş verib. Güllələnərək öldürülən şəxs sükan arxasında olub. Hadisədən sonra avtomobil aşıb.

Telegramda izləyin