"Şərur" MTK yaşayış kompleksində lift QIRILDI: Şirkət məsuliyyətə CƏLB OLUNACAQ? - AÇIQLAMA

Xəbər verdiyimiz kimi, "Həsi Aslanov" stansiyasının yaxınlığında, Xudu Məmmədov küçəsində yerləşən "Şərur" MTK yaşayış kompleksində liftdə qəza baş verib. Sözügedən şəxsin yerləşən "Şərur" MTK yaşayış kompleksindəki liftin trosu qırılıb. Nəticədə içində səkkiz nəfər olan lift kabinəsi yerə çırpılıb. Kabinədə olan şəxslər ağır xəsarət alıblar. Əraziyə təcili və təxirəsalınmaz tibbi yardım briqadaları cəlb olunub.

"Şərur" MTK-nın sədri, "Şərurlu İsfəndiyar" kimi tanınan iş adamı İsfəndiyar Axundovdur. Baş vermən hadisə ilə əlaqədar şirkət rəhbərliyini hansı cəza gözləyir?

Mövzu ilə bağlı vəkil Emil Aslanov Sonxeber.az-a açıqlamasında bildirib ki, baş verən dəhşətli hadisə ilə əlaqədar araşdırmalar aparılmalıdır:

"İlk olaraq burada zəruri tədbirlr və araşdırmalar aparılmalıdır. Həmin hadisə ilə əlaqədar liftin nəzarətinə məsul şəxslər aydınlaşdırılmalıdır. Əgər liftin təhlükəsizliyi ilə əlaqədar görülən işlər "Şərur" MTK-ya məxsusdursa, bu zaman şirkət rəhbərliyi məsuliyyətə cəlb olunacaq. Lakin burada başqa bir məqam var. Sözügedən yaşayış kompleksində liftin təhlükəsizliyi və nəzarət başqa bir şirkətə həvalə oluna bilər. Belə olan təqdirdə liftin nəzarəti ilə məşğul olan şirkət rəhbərliyi bərasində qanunvericiliklə tədbirlər görüləcəkdir".

Qeyd edək ki, Bakıda çoxmərtəbəli yaşayış binasında baş verən bədbəxt hadisə nəticəsində xəstəxanaya yerləşdirilən yeddi nəfərdən altısı ilkin tibbi yardımdan sonra evə buraxılıb. Liftin qırılması nəticəsində yeddi nəfər müxtəlif dərəcəli bədən xəsarətləri alıb. Xəsarət alanlardan ikisi uşaqdır.

Sevda Səfərova

Telegramda izləyin