"Halloween" deyil, türk ADƏTİDİR: Kəsilən qurbanların qalıqları ilə KOSTYUM TİKİRLƏR - FOTO+VİDEO

Osmanlı dövründə "Dəlilər" adlanan hərbi birliyin xatirəsini yaşatmaq üçün 2 əsrə yaxındır ki, Bursanın Mustafakemalpaşa rayonunda "Alabaş" ənənəsi qorunub saxlanılır.

Sonxeber.az türk mediasına istinadən xəbər verir ki, Rayonun Şehirman kəndinin sakinləri Qurban bayramında kəsdikləri heyvanların dərisi, başın, quyruğu, buynuz və sümüklərindən geyim hazırlayır.

Kostyum geyinən gənclər axşam saatlarında məhəllə meydanında və küçələrdə qəfildən insanların qarşısına çıxaraq müxtəlif səslər ilə onları qorxudurlar. Məhəllə sakinləri, bayrama gələn qonaqlar və "Alabaş" adət-ənənəsini görmək üçün gələnlər qorxu hissi ilə yanaşı, həm də əyləncəli vaxt keçirirlər. Kostyum geyinən gənclər isə keçirdikləri bu şənliyi belə xarakterizə edib:

"Osmanlı İmperatorluğunun ön cərgələrində döyüşmüş "Dəli" adlı qəhrəmanlarımız var. Biz bu mədəniyyəti dirçəltməyə çalışırıq. Tariximizi yaşadırıq. İnsanlar çox vaxt qorxsa da, zamanla buna öyrəşirlər. Artıq insanlar qorxmaqla yanaşı, həm də əylənirlər. Ümid edirəm ki, belə bayram və şənliklər hər zaman edəcək. Bu bayramın hazırlıqlarına çox ciddi yanaşırıq. Kəsinlən qurbanlardan əmələ gələn tullantılar isə kostyuma çevrilir".

Telegramda izləyin