COP29-a qədər Azərbaycanla Ermənistan arasında sülh müqaviləsi imzalana bilərmi? - AÇIQLAMA

"Artıq Paşinyan da yaxşı anlayır ki, Ermənistanın xilası sülh müqaviləsinin imzalanmasından keçir".

Bunu Sonxeber.az-a danışan deputat İqbal Məmmədov bildirib.

Deputat qeyd edib ki, 44 günlük Vətən müharibəsində əldə etdiyimiz möhtəşəm zəfərdən sonra regionda vəziyyət bizim xeyrimizə dəyişdi:

"Azərbaycan hər zaman sülhün tərəfində olub və çalşmışıq ki, qonşu dövlətlərlə dostluq münasibətləri quraq. Amma bunu Ermənistana aid etmək olmaz. Bu gün Ermənistan havadarlarının sifarişini yerinə yetirərək müxtəlif təxribatlarla regionda vəziyyəti gərginləşdirməyə çalışır. Təəssüf ki, yenə də Ermənistan cəbhədə atəşkəsi pozaraq sülh müqaviləsinin imzalanmasını gecikdirməyə çalışır. Lakin Nikol Paşinyan və onun havadarları anlamalıdır ki, Ermənistan sülh müqaviləsini imzalamğa məcburdur. Çünki sülh müqaviləsindən imtina Ermənistanın bir ölkə kimi yer üzündən silinməsinə səbəb ola bilər".

Deputat vurğulayıb ki, sülh müqaviləsinin imzalanacağı gün heç də uzaqda deyil:

"Qazaxın dörd kəndinin danışıqlar yolu ilə qaytarılması sülh müqaviləsinin tezliklə imzalanacağını ehtimalını daha da artırdı. Həm də Ermənistan kənar müdaxilə olmadan daha doğru qərar verə bilir. Paşinyan və onun ətrafındakılar artıq anlayır ki, Azərbaycan və Türkiyə ilə düşmənçiliyə son verməkdən, münasibətləri normallaşdırmaqdan başqa çarələri qalmayıb. Regionda sülhün bərqərar olunması üçün Ermənistan işğal etdiyi bütün ərazilərimizi geri qaytarmalı, iki ölkə arasında sərhədlər müəyyənləşməli və Zəngəzur dəhlizi açılmalıdır. Ən önəmlisi isə Ermənistan Azərbaycan və Türkiyəyə qarşı ərazi iddialarından tamamilə əl çəkməlidir. Bütün bunlardan sonra sülh müqaviləsi imzalana bilər. Son proseslər göstərir ki, ilin sonuna və ya COP29-a qədər sülh müqaviləsi imzalana bilər. Bununla bağlı hər iki tərəfdən müsbət mesajlar da verilib. Böyük ehtimalla COP29-a qədər ən azından çərçivə sazişinin imzalanması mümkün olacaq".

Telegramda izləyin