Ana Vətəni analığından üstün TUTDU: Öz körpəsini tərk edib cəbhəyə yollandı - VİDEO

Gültəkin Əsgərova... Öz korpəsini anasına əmanət edərək cəbhəyə yollanan qadın milli qəhrəmanımızdır. Ana vətənini analığından üstün tutan Azərbaycan qadını... Qəhrəmanlığını ifadə etməyə isə sözlər acizdir. Bu gün 9 yaşında qoyun getdiyi Əminə böyüyüb. Boyu-boyuna çatan övladı ilə anasını ziyarətə gedib.

Onun gedişini isə "Aztv Xəbər"ə belə danışıb:

" 19-20 yanvar, 90-cı illərdə təcili yardım maşınını götürərək şəhərə düşmüşdü və yaralı daşıyırdı. Mən o vaxtdı çox qorxmuşdum ki, anam yoxdur. 19-dan 20-nə keçən gecə idi və hələ də anam yox idi. O anlar hələ də yadımdadır. Gəlib evdə bizə deyən zaman nənəm getməyini istəmirdi. Deyirdi ki sən qadınsan və uşağına baxmalısan. Anam isə qulaq asmadı. O deyirdi həkim lazımdi".

Gültəkin Əsgərova Tibb Universitetini bitirmişdi. Təcili tibbi yardım stansiyasında işləmiş və Uroloji klinikada çalışmışdı. Əminə xanım deyir ki, o çətin anlarda Gültəkin xanım öz məvacibi ilə dərman alıb saxlayırdı ki, yaralılara anında kömək etsin. Son məktubu isə yadındadır. Demişdi ki, "Şuşa alınana qədər burdayam".

Ətraflı "Aztv Xəbər"in süjetində:

Telegramda izləyin