Yataqxana yandı, amma... - "3 aydır ki, çöllərdəyəm" - VİDEO

Aprelin 7-də Azərbaycan Dillər Universitetinin nəzdində olan yataqxanada baş verən yanğının fəsadları sakinlərə ciddi problem yaradıb. Yanğın nəticəsində beşmərtəbəli binanın birinci mərtəbəsində, ilkin hesablamaya əsasən, mənzildə 12kv.m sahədə otaq əşyaları və 24p.m elektrik naqilləri yanıb. Digər mənzillər yanğından mühafiə olunub.

Sonxeber.az xəbər verir ki, problem ilə bağlı sakinlər "ARB Xəbər"ə müraciət edib. Sakinlər bildirib ki, hadisədən 3 ay keçməsinə baxmayaraq hələ də yataqxana təmir edilməyib:

"Dedilər ki, bura nə vaxt pul ayrılsa yataqxana təmir olunacaq. 3 atdı çöllərdəyik. Yayın bu vaxtında kondisioneri və soyuducumuz yoxdur. Bizə heç bir məlumat verilmir".

Yanğından sonra yalnız zərər dəyən, üzəri açıq qalan elektrik naqilləri müvəqqəti olaraq yenisi ilə əvəzlənib. Sakinlər deyir ki, bu naqillərdə təhlükə mənbəyidir:

"Yanğın zamanı elektrik xətlərinə ziyan dəydi. Bizə də sadəcə 1 dənə xətt çəkildi. Sabah qış vaxtı sobalar yandırılsa, partlayış baş verə bilər".

Məsələ ilə bağlı aidiyyəti qurumlardan verilən məlumata görə, tenderin nəticələrinə əsasən sakinlərin problemləri həll ediləcək. Vaxtın uzanması isə tender prosesi ilə əlaqədardır.

Ətraflı "ARB Xəbər"in süjetində:

Telegramda izləyin