"106 yaşını qeyd edən Müzəffər Azərbaycan Ordusu dünyanın ən güclü orduları sırasındadır" - DEPUTAT

"Əsası Azərbaycan Xalq Cümhuriyyəti dövründə qoyulan Müzəffər Azərbaycan Ordusunun yaranmasından 106 il keçir".

Bunu Sonxeber.az-a danışan deputat İqbal Məmmədov bildirib.

"Yarandığı gündən ordumuzun qarşısına qoyulan başlıca vəzifələr ərazi bütövlüyümüzün təmin edilməsi və torpaqlarımızı yadelli düşmənlərdən qorumaqdır. 1918-ci il iyunun 26-da Azərbaycan Xalq Cümhuriyyəti ölkənin Milli Ordusunun, silahlı qüvvələrinin yaradılması haqqında qərar qəbul etdi və Nazirlər Şurasının qərarı ilə ilk müntəzəm hərbi hissə – əlahiddə Azərbaycan korpusu yaradıldı.

Ulu öndər Heydər Əliyev xalqın istəyi hakimiyyətə yenidən qayıtdıqdan sonra ordu quruculuğu istiqamətində mühüm addımlar atıldı. 1993-cü ilin sonlarından etibarən Silahlı Qüvvələrdə struktur və kadr dəyişiklikləri həyata keçirildi, vahid komandanlığa tabeçilik bərpa edildi və ən önəmlisi isə ordu siyasətdən uzaqlaşdırıldı. 1994-cü il mayın 12-də Ermənistan-Azərbaycan hərbi münaqişəsində atəşkəs haqda müqavilə imzalandı. Bundan sonra Azərbaycan Milli Ordusu, demək olar ki, yenidən quruldu".

Deputat vurğulayıb ki, cənab prezident İlham Əliyev dövlət başçısı seçildiyi ilk gündən ordu quruculuğu sahəsinə böyük diqqət ayırdı:

"Məhz 17 il ərzində cənab prezident İlham Əliyevin apardığı uğurlu islahatlar nəticəsində ölkəmizin hərbi potensialı daha da gücləndirildi və ən müasir silahlarla təchiz olunmuş ordu formalaşdı.Otuz ildə həyata keçirilmiş hərbi islahatlar 44 günlük Vətən müharibəsində özünü doğrultdu. 44 günlük Zəfər savaşında və bir günlük antiterror əməliyyatında bütün dünya ordumuzun gücünü gördü və Azərbaycan əsgərinin şücaətinin şahidi oldu. Şuşa döyüşləri dünya hərb tarixinə qızıl həriflərlə yazıldı. Bu gün 106 yaşını qeyd edən Müzəffər Azərbaycan Ordusu dünya miqyasında 50 ən güclü ordu sırasındadır. Əminəm ki, bundan sonra da Müzəffər Azərbaycan Ordusu Ali Baş Komandan İlham Əliyevin rəhbərliyi ilə möhtəşəm zəfərlərə imza atacaq".

Telegramda izləyin