Əsrlərlə yaşı olan qədim ÇİNARLAR: Hər məhəllədə rast gəlmək mümkündür - VİDEO

Ordubad öz daş-qaşı ilə parıldayan qənirsiz bir gözələ bənzəyir. Onun çinarları təbiət tamaşası və el yaraşığıdır. Ordubadın çinarları tarixi qədər qədimdir.

Sonxeber.az xəbər verir ki, əsrlərdir Ordubadın qədimliyinə şahid olan qocaman çinarlar ilə bağlı "Aztv Xəbər" süjet hazırlayıb.

Ordubadın hər məhəlləsində, məscid meydanından əlavə çinar və onların dibindən axan kəhrizlər var. Bu ənənə hələ də qorunub saxlanılır.

Ordubadın şəhər meydanında əkilən çinar əsrlərə şahidlik edib. İri gövdəsi oyulduğundan burada iri samovar qoyular, stol-stul düzəldilərdi. İnsanlar toplaşır və istirahəti edərdilər. Lakin 1936-cı ildə ildırım düşməsi nəticəsində ağacın bir hissəsi tamamilə yanıb. Bütün bunlara baxmayaraq öz əzəmətini yenə də itirməyib:

"Qədim dövrlərdə deyirdilər ki, Ordubadda 9 çinar olub. 9 çinarların deyirdilər ki min yaşı var. Nənəm 118 yaşında rəhmətə gedib. Nənəm bura gəlin gəlib və çinarı belə görüb".

Ətraflı "Aztv Xəbər"in süjetində:

Telegramda izləyin