"Paşinyan yaxşı anlayır ki, Azərbaycanın bütün şərtlərini qəbul etmək məcburiyyətindədir" - DEPUTAT

"Bir neçə aya Ermənistanla sülh müqaviləsi imzalana bilər".

Bunu Sonxeber.az-a danışan deputat İqbal Məmmədov bildirib.

Deputat qeyd edib ki, iyulun 1-də cənab prezident İlham Əliyev iyulun 1-də Kanadanın ölkəmizdə yeni təyin olunmuş fövqəladə və səlahiyyətli səfiri Kevin Hamiltonun etimadnaməsini qəbulu zamanı Ermənistanla sülh müqaviləsinin mətnin, ən azı əsas prinsipləri üzərində işin bir neçə aya yekunlaşacağını söylədi:

"Cənab prezidentin bu açıqlaması ilin sonuna qədər sülh müqaviləsinin imzalanması ehtimalını daha da artırdı. Azərbaycan təkcə regionda deyil, bütün dünyada sülhün və təhlükəsizliyin təminatına böyük töhfələr verən dövlətdir. Bu gün Avropanın enerji təhlükəsizliyində Azərbaycanın rolu danılmazdır. Demək olar ki, Azərbaycan Avropa üçün yeni alternativ enerji mənbəyidir. Bunu Ermənistan tərəfi də fərqindədir. Ermənistan rəhbərliyi anlayır ki, xalqının rifahı yalnız Azərbaycanla sülh şəraitində yaşamaqdan asılıdır. Azərbaycan sülh müqaviləsini hansı halda imzalayacağını qeyd edib. Emənistan Konstitusiyasına dəyişiklik etməli, Azərbaycana qarşı konstitusion əsasda referendum yolu ilə xalqın siyasi iradəsini ortaya qoymaqla ərazi iddialarından geri çəkilməli və Azərbaycana, Türkiyəyə qarşı ərazi iddialarına birdəfəlik son qoymalıdır. Yalnız bu halda sülh müqaviləsi imzalana bilər".

Deputat vurğulayıb ki, Paşinyan yaxşı anlayır ki Azərbaycanın bu şərtlərini qəbul etmək məcburiyyətindədir:

"Emənistan gec-tez Konstitusiyaya dəyişiklik gedəcək. Çünki sülh müqaviləsinin imzalanması Ermənistan xalqının nicatı deməkdir. Proses əslində bu gün getməkdədir. Əlbəttə Ermənistanda Konstitusiyaya dəyişikliklərin əleyhdarları da olacaq, amma əminəm ki, bütövlükdə erməni xalqı müharibə istəmir. Biz də buna inanırıq. Əgər erməni xalqı müharibə istəsəydi Paşinyan biabırçı məğlubiyyətdən sonra 2021-ci ilin iyun parlament seçkilərində qalib gəlməzdi. Erməni xalqı da müharibədən yorulub. Xalq bilir ki, Ermənistan dövləti və ordusu hansı gücə malikdir. Belə halda, Azərbaycanla yenidən müharibə yolunu seçmək siyasi ağılsızlıq olar. Düşünürəm, bütün bu reallıqlar fonunda Paşinyan tezliklə referenduma gedəcək".

Telegramda izləyin

instagramda izləyin