Qızının sözləri Nəzakət Teymurovanı kövrəltdi - Video

Xalq artisti Nəzakət Teymurova ad gününü "Qonaqcanlı" verilişində qeyd edib.

Axşam.az xəbər verir ki, qızı Nigarın anası ilə bağlı süjeti xanəndəni kövrəldib:

"Nənəm, xalalarım mənə gözəl yeməklər bişirib. Amma heç biri ana yeməyinin dadı qədər deyildi. Mətbəxdən gələn səsin fərqindən bilmişəm ki, sən evdəsən. O gün isə mənim üçün bayram olub. Həmişə narahat olmusan ki, səfərlərin, işin səni məndən uzaqlaşdırıb. Xeyr, narahat olma, heç kim səni məndən ayırmayıb. Bircə dəfə göz-gözə gəlməyimiz sənin sevgini hiss etmək üçün bəsdir. O sevgini isə hər zaman mənə ötürməyi bacarmısan. Sən mənim üçün uzaqları yaxın edən, evində səliqə, səhnədə sənət yaradacaq qədər güclü qadın obrazısan. Mənə belə bir möhtəşəm ana nümunəsi yaratdığın üçün təşəkkür edirəm. Səni çox istəyirəm, canım anam".

Süjeti izləyən N.Teymurova göz yaşlarını saxlaya bilməyib. Aparıcı Aytəkin Mərdanovanın "Qızınız Nigar üçün ən böyük arzunuz nədir" sualına N.Teymurova "Nigar üçün arzum budur ki, bu çətin dünyada öz addımları ilə hər zaman ayaq üstə dayanmağı bacarsın" cavabını verib.

Telegramda izləyin