İsti yanaqlar təhlükəli xəstəliyin əlaməti ola bilər

Alimlər müəyyən ediblər ki, üz temperaturu vasitəsilə insanın yaşını, yüksək qan təzyiqi və diabet kimi xəstəlikləri müəyyən etmək olar.

Məlumata görə, həkimlər 21 yaşdan 88 yaşa qədər 2 800 çinli pasiyentin üz temperaturunu tədqiq ediblər. Yaşlılar gənc iştirakçılara nisbətən daha soyuq burun və daha isti göz bölgəsinə malik olublar. Hipertoniyası olanların yanaqları, şəkərli diabet və qaraciyər yağlanması da daxil olmaqla metabolik pozğunluqları olan insanların göz bölgələri yaşıdlarına nisbətən daha isti olub.

Alimlər 23 pasiyentdən hər gün 800 dəfə iplə tullanmağı tapşırıblar. İki həftədən sonra onların "termal yaşı" beş il azalıb.

Müəlliflər üz temperaturunun ürək xəstəlikləri və yuxu pozğunluğu ilə əlaqəli olub-olmadığını araşdırmağı planlaşdırırlar. Alimlərin kəşf etdiyi temperatur fərqlərini toxunmaqla hiss etmək çətindir, ona görə də onlar süni intellekt və istilik xəritələrindən istifadə ediblər.(oxu.az)

Telegramda izləyin