Fransada parlament SEÇKİLƏRİ: Makron istefaya GEDİR? - ŞƏRH

Fransada keçirilən növbədənkənar parlament seçkilərinin ikinci turunun nəticələri elan edilib. Marin Le Penin partiyası seçkiləri uduzub, solçu "Yeni Milli Cəbhə" qalib gəlib. Qeyd olunub ki, ikinci yerdə Makronun "Birgə" koalisiyası, üçüncü yerdə isə Le Penin partiyası qərarlaşıb.

Belə olan təqdirdə Makronun siyasi taleyi necə olacaq. Fransa Prezidenti istedaya gedə bilər?

Mövzunu Sonxeber.az-a şərh edən politoloq Kazım Kazımov deyib ki, Fransada seçkilər Makronun məğlubiyyəti ilə nəticələndi:

"Makron hər nə qədər seçkiləri qəfil şəkildə irəli alıb, qazanmağa çalışsa da, Fransa xalqının seçiminin Makron olmadığı açıq şəkildə görüldü. Sol qüvvələrin qələbəsinin bir neçə səbəbi vardır. Bunun Makronun birbaşa yarıtmaz daxilində və xarici siyasətinin nəticəsidir. Biz bilirik ki, Emmanuel Makron Fransa daxilindəki problemləri bir kənara qoyaraq beynəlxalq siyasətdə əsas rol oynamağa çalışır. O Qarabağda, Liviyada və Livanda, hətta uzaq Şərqi Asiyada aktiv siyasət yeritməyə çalışırdı. Biz baxdığımızda bütün bu bölgələrin hamısında onun siyasəti fiyasko ilə nəticələndi".

Politoloqun sözlərinə görə, daxili siyasətinə baxdıqda, Makron xarici siyasətdə diqqət etdiyi üçün Fransada maaş kəsintiləri yaşandı. . O cümlədən pensiya yaşı qalxdı və inflyasiya yüksəldi:

"Xalq buna sivil şəkildə etiraz etdiyi təqdirdə fransız polisinin dəyənəyi ilə üzləşmək məcburiyyətində qaldı. Belə olan təqdirdə daha xalqa uyğun və sosial-siyasi vədlər verən Sol qüvvələr qalib gəldi. Makron ən azı 1 il müxalif qüvvələr ilə işləmək məcburiyyətində qalacaq. Hökumət rəhbəri böyük ehtimalla sol qüvvələrdən olacaqdır. Biz bilirik ki, Fransa qanunlarına görə ən az bir il prezident seçilmiş parlamenti buraxa bilməz. Ona görə də Makron sol qüvvələrin dedikləri ilə oturub-durmaq məcburiyyətində qalacaq. Bu da Makronun gələcək siyasi şansını 0-a endirir. Biz çox yaxında Fransada ciddi qarşıdurmalar gözləyirik. Bu qarşıdurmaların nəticəsində Emmanuel Makronunda siyasi taleyi həll olunacaq".

Telegramda izləyin