Arda Gülər kimdir? – 9 yaşında oynamağa başlayıb, 19 yaşında ulduz olan futbolçu
Lent.az "Bioqrafiya" rubrikasında məşhur futbolçu, "bozqurd" işarəsi ilə gündəmi zəbt edən Arda Gülərdən bəhs edir.
- Arda Gülər nə zaman və harada anadan olub?
Arda Gülər 25 fevral 2005-ci ildə Türkiyənin paytaxtı Ankara şəhərinin Altındağ rayonunda dünyaya göz açıb.
- Arda Gülərin atası və anası kimdir?
Arda Gülərin anasının adı Serap Gülər, atasının adı isə Ümit Gülərdir.
- Arda Gülərin futbol karyerası necə başlayıb?
Arda futbola 9 yaşından yaşadığı şəhərin "Gənclerbirliği" komandasında başlayıb. Hələ 13 yaşında ikən Gençlerbirliği Futbol Məktəbində istedadı ilə gündəmə gələn Arda orada bir çox liqa matçlarında "top oğlan" kimi oynayıb və "iki yarım" ləqəbini alıb. 5 il burada oynadıqdan sonra isə "Fənərbaxça" skautlarının diqqətini cəlb edib. "Osmanlıspor" – "Gənclərbirliyi" oyunundan sonra istanbulluların skautu Serhat Pekmezci onunla maraqlanmağa başlayıb. 14 yaşlı oyunçunun keçirdiyi matçlardan görüntüləri yığan Pekmezci bunu klubun idman direktoru Damien Komolli və prezident Ali Koça göstərib.
- Arda Gülərə görə "Qalatasaray" rəhbərliyi mübarizə aparıb?
Serhat Pekmezci ilə bərabər "Qalatasaray" rəhbərliyi də onu heyətinə qatmaq üçün mübarizəyə başlayıb. Ali Koç isə "Gənclərbirliyi" prezidenti Murat Cavcavdan şəxsən xahiş edib və Ardanın keçidinə nail olub. Ankara klubuna isə bu transfer üçün 150 min lirə (28 min avro) transfer məbləği ödənilib.
- O, əsas heyətə nə zaman keçib?
2019-cu ildə onunla rəsmi müqavilə imzalanıb. 2 il İstanbul klubunun aşağı yaş qruplarında oynadıqdan sonra 2021-ci ildə əsas heyətə cəlb olunub. İlk oyununu isə UEFA Avropa Liqasının pley-off mərhələsində Finlandiyanın "Helsinki" klubuna qarşı keçirib. Bundan cəmi 3 gün sonra o, "Antalyaspor"la qarşılaşmada meydana çıxıb və qol ötürməsi edib.
- Arda Gülər ilk qolunu nə zaman atıb?
İlk qolunu isə 2022-ci il martın 13-də Superliqa oyununda "Alanyaspor"un qapısına vurub.
- Arda Gülər Türkiyənin avrokuboklarda qol vuran ən gənc oyunçusu nə zaman olub?
2022-ci ilin noyabrında "Fənərbaxça"nın heyətində Kiyev "Dinamo"suna qarşı Avropa Liqası qrup matçında meydana çıxıb və matçın 23-cü dəqiqəsində qol vurub. Bununla o, Türkiyənin avrokuboklarda qol vuran ən gənc oyunçusu ünvanına sahib çıxıb.
- "La Gazetta" nəşri Ardanın fotosunu nə üçün paylaşıb?
"Fənərbaxça"nın heyətində Kiyev "Dinamo"suna qarşı Avropa Liqası qrup matçında meydana çıxan Arda Gülər bu oyunda matçın 23-cü dəqiqəsində qol vurub. Bundan sonra isə "La Gazetta" nəşri Ardanın fotosunu "uno così una volta ogni 100 anni" (onun kimisi 100 ildə bir dünyaya gəlir) başlığı ilə paylaşıb.
- Arda Gülər ilin ən yaxşı qol vuranları siyahısına nə zaman daxil oldu?
"Fənərbaxça"dakı parlaq oyunu ilə Avropa nəhənglərinin də diqqətini çəkən Arda artıq milli komandanın da əsas heyət üzvünə çevrilməyə başlayıb. Alman baş məşqçi Stefan Kuntz onu ilk "11-lik"də meydana buraxmağa başladı.
AÇ-2024-ün seçmə mərhələsində 19 iyunda Uelslə matçda vurduğu qol isə UEFA-nın ilin ən yaxşı qolları siyahısında yer aldı. Onun vurduğu mükəmməl zərbəyə komanda yoldaşları da təəccüblənmişdi.
- Arda Gülərin transfer keçmişi necədir?
Qısa müddətli Super Liqa karyerasından sonra Avropa meydanlarında oynamağa başlayan Arda Gülərin əsl karyerası 20 fevral 2019-cu ildə, cəmi 13 yaşında ikən Fənərbaxçaya transfer olunduqdan sonra başlayıb. Sarı-göylər klubunun infrastrukturuna daxil olan istedadlı futbolçu hələ 15 yaşında ikən 13 yanvar 2021-ci ildə "Fənərbaxça" ilə müqavilə imzalayıb.
Gülərin yolu ilk müqaviləni imzaladıqdan 2,5 il sonra üstün performansı sayəsində Milli komandanın formasını geyinməyə layiq olduğu üçün Real Madridlə kəsişdi.
3 mart 2019-cu ildə Medipol Başakşehirə qarşı Fənərbaxça forması ilə ilk dəfə çıxış edən futbolçu; O, 2019, 2020 və 2021-ci illərdə müvafiq olaraq 15, 16 və 19 yaşadək komandalarda çıxış edib.
2021 - 2022 mövsümündə Kadıköydə oynadığı Fraport TAV Antalyaspor matçı da onun Super Liqadakı ilk oyunu olub. 16 yaşlı Arda Gülər matça 86-cı dəqiqədə daxil olaraq qolun ötürməsini verib.
2022 - 2023 mövsümündə sarı-göy rəngli forma ilə 20 liqa, 5 Ziraat Türkiyə Kuboku matçında forma geyinən istedadlı futbolçu uğurları ilə komandasını və azarkeşlərini sevindirib.
Spor Toto Super Liqada 32 matçda forma geyinən Gülər 7 dəfə fərqlənib.
2022-ci ildə Milli Komandada çıxış edən Arda Gülər noyabrda Şotlandiya və Çexiya matçları üçün Milli Komandanın heyətinə daxil edilib.
Samsunda oynanan Uels matçının 80-ci dəqiqəsində vurduğu gözəl qolla növbəti dəfə futbolsevərlərin rəğbətini qazanan Arda Gülərə Avropanın iki böyük komandası Barselona və Real Madriddən təklif gəlib.
Real Madridlə razılaşan Gülər karyerasında bu böyük addımı ataraq adını beynəlxalq futbol səhnəsində daha da böyütməyi hədəfləyir. Gənc istedad 2022 - 2023 mövsümündə öz ölkəsində məşq etdikdən sonra Real Madridə transfer olunan ilk türk futbolçu kimi artıq yaddaşlara həkk olunub.
- Arda Gülər "Real Madrid"ə neçəyə transfer olub?
Güler 20 milyon avroluq transfer haqqı və 10 milyon avro bonus qarşılığında İspaniyanın Real Madrid futbol klubuna transferi tamamlanıb.
İmzalanma mərasimindən əvvəl Arda Güler "Real Madrid"in Sanitas La Moraleja Universitet Xəstəxanasında tibbi müayinədən keçib və 6 il müddətinə "Real Madrid"lə müqavilə imzalayıb.
- Arda Gülərin sevgilisi var?
Məlumata görə, Arda Gülərin sevgilisi Duru Naymandır. Və onlar uşaqlıqdan birlikdədirlər.
- 2024-ün yay tətilini Arda Gülər necə keçirir?
Futbolun parlayan ulduzu Arda Gülər Bodrum tətilində sevgilisi Duru Naymanla keçirir. Gənc futbolçunu tətildə sevgilisi ilə bərabər, dostları müşayiət edir. 19 yaşlı futbolçu və sevgilisi ötən gün "Titanic Luxury Collection" Bodrum çimərliyində paparazzilərə yaxalanıb. İkili bir müddət ətrafda gəzib, sonra çimərlik voleybolu oynayıblar. 1,5 saat davam edən qarşılaşmada sevgililər bir-biri ilə yarışıb.
Sonxeber.az
![](/images/telegram_24.png)
![](/images/instagram_24.png)
Şikayətiniz varsa Whatsapp: 051 7028255
Facebookda Paylaş