"Düzgün nəticə çıxarılmasa uduzan erməni xalqı olacaq" - Deputat

"Avropa İttifaqının Sülh Fondunun Ermənistanın hərbi dayanıqlığını artırmaq üçün ayırdığı 10 milyon avro, ABŞ ilə birgə hərbi təlimlər regionda sülhün yox, gərginliyin artırılmasına hesablanıb".

Bunu Sonxeber.az-a danışan deputat Nəsib Məhəməliyev bildirib.

Deputat qeyd edib ki, bu ilin aprel aynın 5-də Brüsseldə, Paşinyanın kollektiv Qərblə əldə razılaşmanın nəticəsi olaraq, Ermənistan xarici siyasətində kəskin dəyişiklik baş verdi:

"Demək olar ki, ənənəvi himayədarı Rusiyadan uzaqlaşaraq, tamamilə Qərbə fokuslandı. Fransa, Hindistan, İran kimi dövlətlər Ermənistana silah satır, ABŞ isə, təlimatlandırır. Artıq Amerikalı hərbçilər Ermənistan müdafiə nazirliyində məsləhətçi statusunda işə qəbul olunurlar.

Bütün bunlar onu göstərir ki, regionda sülhün yaranması, erməni məsələsinin, gündəmdən çıxarılması, qlobal güclərin maraqları ilə uzlaşmır. Yeni dünya nizamının formalaşmasında nəqliyyat-logistika, təbii resurslar, kommunikasiya uğrunda ciddi mübarizə gedir. Yerləşdiyimiz coğrafiyanın, ələlxüsus Zəngəzur dəhlizinin əhəmiyyəti olduqca böyükdür. Bölgəyə nəzarətin strateji üstünlüklərini danmaq qeyri-mümkündür. Ona görə də, tarixən olduğu kimi, bu dəfə də, kürəsəl güclər erməni,maşalarından, istifadə edərək, bölgəyə soxulurlar. Tarix dəfələrlə sübut edib ki, bu axmaq yoldu və düzgün nəticə çıxarılmasa, uduzan erməni xalqı olacaq. Əminəm ki, dövlətimiz, Prezident İlham Əliyevin rəhbərliyi ilə, bütün sınaqlardan üzüağ çıxacaq".

Telegramda izləyin