"Kolleclərdə tədris o qədər də ürək açan deyil" - Ekspert

Ümumi (9 illik) orta təhsil bazasında orta ixtisas təhsili müəssisələrinə tələbə qəbulu müsabiqəsində iştirak etmək üçün ixtisas seçimi davam edir. xtisas seçimi mərhələsində abituriyentlər qəbul olmaq istədikləri ixtisasları seçib onların kodlarını "Abituriyentin elektron ixtisas seçimi ərizəsi"nə daxil edib təsdiq etməlidirlər. İxtisas seçiminə qəbul imtahanında topladıqları ümumi balı 50-dən, Azərbaycan dili və ya rus dili fənni üzrə balı 20-dən və riyaziyyat fənni üzrə balı 10-dan az olmayan abituriyentlər buraxılırlar.

Məsələ ilə bağlı təhsil eksperti Elçin Efəndi Sonxeber.az-a açıqlma verib.

Ekspert bildirib ki, kolleclərdə tədris bir o qədər də ürək açan deyil

"Kolleclərdə 11 minə yaxın plan yeri uğrunda, 27 mindən çox namizəd mübarizə aparır. Orta ixtisas təhsili müəssisələrinə bitirən gənclərin iş imkanları təbii ki, universitet bitirən şəxslərlə müqaisədə o qədər də yüksək deyil. Nazirlər kabinetinin verdiyi qərar əsasında kollec məzunları imtahan vermədən universitetə qəbul olma prosesi mövcuddur.
2012 -ci ildən kollec bitirən və subbakalavr ali təhsil müəssisələrin I II III IV və V qrupların ixtisas seçimində iştirak edə bilir. Bəzi kolleclərdə tədris bir o qədər də ürək açan deyil Orta ixtisas təhsili müəssisələrinə təhsil keyfiyyətini və nüfusuni artırmaqla bağlı məsul qurum fəaliyyət göstərməlidir. Gələcəkdə onların əmək fəaliyyəti ilə məşğul olmaları üçün bu cür addımla ehtiyyac var. Bu halda kolleclerdə təhsil almaq istəyən şəxslərində sayı arta bilər".

Qeyd edək ki, kolleclərə qəbul olmaq üçün ixtisas seçimi iyulun 26-dan avqustun 5-i saat 23:59-dək internet vasitəsilə aparılacaq.

Telegramda izləyin