Telefonunda terrorçuların fotoları olan qızdan maraqlı MÜDAFİƏ: "Evləndirmək istəyirdilər" - VİDEO

Türkiyədə 19 yaşlı gənc qızın telefonundan separatçı terror təşkilatı PKK/KCK-nın fotoşəkilləri aşkarlanıb.

Sonxeber.az türk mediasına istinadən xəbər verir ki, Muğla avtovağzalının işçiləri qızın telefonunda terror təşkilatının fotolarını gördükdən sonra polisə xəbər verib. Məsələ ilə əlqədar polis əməkdaşları qızı saxlayıb.

Gənc qız vəziyyət ilə bağlı prokurorluğa ifadə verib. Qız prokurorluqdakı ifadəsində "Instagram", "Tiktok" və "Kwai" adlı sosial media tətbiqlərində hesablarının olduğunu açıqlayıb.

"Mobil telefon üzərindəki araşdırmalar nəticəsində ələ keçirilən görüntüləri sosial şəbəkə hesablarımda paylaşdım. Terror təşkilatlarını paylaşmağın cinayət əməli olduğunu bilirdim.. Heç kimi vecinə almadığım üçün paylaşdım".

Şəxsin sözlərinə görə, ailəsi onu zorla evləndirməyə çalışıb. Bunun üzərinə qız Dalamanda qohumunun yanına gəlib. Yaxın qohumunun yanında olduğundan ailəsinin xəbəri olmayıb:

"Təxminən 15 gün Dalamanda qaldıqdan sonra ailəmə burada olduğumu bildirdim. Dalamanda olduğumu bilsələr də, məni çağırmadılar. Ailə qurmamaq üçün PKK/KCK terror təşkilatına qoşulmaq üçün Vana getməyə qərar verdim. Muğla avtovağzalına çatanda avtovağzalın mühafizəçiləri yanıma gəldilər. Mənə suallar verməyə başladılar".

Telegramda izləyin