Erməni minasına düşdü, 23 yaşında ayağını itirdi, magistraturaya qəbul olundu - VİDEO

Yəqinki bir çoxlarımız Həsənəlini tanıyırıq. O Bakı Dövlət Universitetini yüksək balla bitirib. Daha sonra Tərtərdə erməni terrorunun qurbanı olub. Hal-hazırda minaya düşdükdən sonra o, Xəzər Universitetində magistr pilləsinə daxil olub.

Sonxeber.az xəbər verir ki, Həsənəli Əlizadə Astar TV-nin suallarını cavablandırıb:

"Bizim rayonumuz Tərtərin təmas xəttində yerləşir. Orada həyətyanı sahədə hərəkət edərkən ermənilər tərəfindən quraşdırılmış piyada əleyhinə minaya düşdüm. Mən minaya düşdükdən sonra təcili tibbi yardım maşını ilə Tərtər rayonu Mərkəzi Xəstəxanasına çatdırdılar. Orada ilkin tibbi yardım göstərildikdən sonra, mən Bərdə rayon Diaqnostika Mərkəzinə yerləşdirildim. Mənim sol ayağımın aşağı üçdə biri amputasiya edilib. Çox çətin idi. Gözünü açırsan, cavansan və 23 yaşın var. Görürsən ki, ayağın amputasiya olunub. Heç nəyin əvvəlki kimi olmadığını düşünürsən. İlk əvvəllər bunu qəbul etmək çox çətin idi. Amma zaman keçdikcə başa gələn hadisələr insanı çox möhkəmləndirir. Mənim bunu yavaş-yavaş qəbul etməyə çalışdım. Bu zaman mənim yaxınlarımın, dostlarımın və ailə üzvlərimin böyük yardımı oldu. Onlar sayəsində həyata beş əlli bağlandım".

Onun sözlərinə görə, elə insanlar var ki, ailə quranda, əsgərlikdən qayıdanda yaxud bir işə girdikdən sonra böyüdüyünü hiss edir:

"Amma mən həmin hadisədən sonra böyüdüyümü hiss etdim. Yəni bəlkə də həyata ikinci dəfə gəldim. Allah bu şansı mənə ikinci dəfə verdi. Mənim doğum günüm yanvarın 31-dir. Amma mən özümə söz vermişəm ki, bundan sonra doğum günümü fevralın 4-ü olaraq qeyd edəcəm".

Ətraflı olaraq Həsənəli Əlizadənin hadisə ilə bağlı fikirlərini təqdim edirik:

Telegramda izləyin