Gürcüstan hökuməti seçkilərdə Saakaşvilinin partiyasının iqtidara qayıdışından qorxur...

Gürcüstanın eks-prezidenti Mixail Saakaşvilinin "Vahid Milli Hərəkat" partiyasının parlament seçkilərində qalib gəlməsi ölkənin Avropaya inteqrasiyasının dayanmasına və onun ərazisində ikinci cəbhənin açılacağına gətirib çıxaracaq.

Moderator.az xəbər verir ki, Gürcüstanın "Birinci Kanalı"nın yaydığı məlumata görə, bunu Gürcüstanın baş naziri İrakli Kobaxidze deyib.

Baş nazir bildirib ki, Saakaşvilinin partiyası bunu bir həftədən az müddətdə həyata keçirə bilər və eyni zamanda fraksiya "bütün bunları piar kimi qələmə verməyəcək".

"Buna görə də "Gürcü arzusu"nun seçilməsi, əksinə, ölkənin bütün istiqamətlərdə, o cümlədən Avropaya inteqrasiya yolu ilə daha da irəliləməsi üçün zəruri şərtdir", - deyə Kobaxidze diqqətə çatdırıb.

Xatırladaq ki, Gürcüstanda parlament seçkiləri 2024-cü il oktyabrın 26-da keçiriləcək.

Bir müddət əvvəl naməlum şəxslərdən ibarət izdiham Gürcüstanın keçmiş prezidenti M. Saakaşvilinin lideri olduğu "Vahid Milli Hərəkat" partiyasının Tbilisidəki ofisini dağıdıb. Fraksiya nümayəndələri hücumda ölkənin hakim "Gürcü Arzusu" partiyasının qurucusu Bidzina İvanişvilinin rejimini ittiham ediblər. Gürcüstanın Daxili İşlər Nazirliyi hücumla bağlı cinayət işi açıb.

Telegramda izləyin