Armen Ciqarxanyanın oğlu ABŞ-da güllələnib

SSRİ-nin Xalq artisti Armen Ciqarxanyanın oğlu Stepan ABŞ-də güllələnib.

Oxu.Az-ın "Mash" "Telegram" kanalına istinadla verdiyi məlumata görə, hadisə Las-Veqasın mərkəzində baş verib.

58 yaşlı Stepan Ciqarxanyan iddia edir ki, evə qayıdarkən təsadüfən yerli bandaların qarşıdurmasına düşüb. Bandalardan birinin nümayəndəsi onu hərəkət halında avtomobilin içindən güllələyib.

"Məni gedən maşından atəşə tutdular. Bu, küçədə baş verdi. İkinci güllə başıma dəydi, amma xoşbəxtlikdən sıyrılaraq keçdi", - deyə o bildirib.

S.Ciqarxanyan əlavə edib ki, indi onu uzunmüddətli reabilitasiya gözləyir. O, ABŞ-də ona lazımi yardımın göstərildiyini dəqiqləşdirib. Stepan əlavə edib ki, həyati vacib orqanları zədələnməyib.

Stepan Ciqarxanyan qanqsterlərin niyə onu hədəf aldıqlarını başa düşmədiyini deyib.

Qeyd edək ki, Stepan artıq uzun müddətdir iki ölkədə yaşayır. Vaxtının bir hissəsini Rusiyada, digər hissəsini isə ABŞ-də keçirir.

Telegramda izləyin