Moskvada mənzilin pəncərəsindən atəş açan kişi qadın və uşağı yaralayıb - DƏHŞƏTLİ OLAY

Moskvada uşaq meydançasında bir kişi mənzilin pəncərəsindən atəş açaraq bir qadın və bir uşağı yaralayıb.

32gun.az bildirir ki, bu barədə Lenta.ru-ya paytaxt prokurorluğu məlumat verib.

İlkin məlumatlara görə, hər şey Moskvanın 800 illiyi küçəsində yerləşən evin yaxınlığında baş verib . 40 yaşlı yerli sakin 4-cü mərtəbədən uşaq meydançasına doğru pnevmatik silahdan atəş açaraq qadını və 2021-ci il təvəllüdlü qızı vurub.

Hazırda hücum edən şəxs saxlanılıb və ona qarşı Rusiya Federasiyası Cinayət Məcəlləsinin 213-cü maddəsi ("Xuliqanlıq") ilə cinayət işi açılıb . Onun mənzilində təhlükəsizlik qüvvələri pnevmatik tapança aşkar ediblər. İş prokurorluğun nəzarətindədir.

Telegramda izləyin