Putin qorxur ki, onu da "HƏMAS" liderləri kimi raketlə məhv etsinlər...

Rusiya diktatoru Vladimir Putin hava zərbəsi ilə məhv ediləcəyindən ciddi şəkildə qorxur.

Moderator.az "UNİAN"-a istinadla xəbər verir ki, general-mayor, Ukrayna Təhlükəsizlik Xidmətinin keçmiş rəis müavini Viktor Yaqun bunu "Focus" nəşrinə şərhində bildirib.

Analitikin fikrincə, Putində belə bir fobiya İranın bir sıra yüksək rütbəli generalları və radikal "HƏMAS" hərəkatının liderlərinin aradan götürülməsindən sonra yaranıb. Xüsusilə nəzərə alsaq ki, Ukrayna PUA-ları nəzəri olaraq Rusiya liderinin çıxış edəcəyi yerədək uça bilər.

Bununla belə, Yaqun vurğulayır ki, Ukrayna xüsusi xidmət orqanlarının qarşısında Rusiya prezidentinin ətrafı önündə nümayişkaranə şəkildə məhv edilməsindən qat-qat maraqlı və mühüm vəzifələr durur.

Təhlükəsizlik üzrə ekspert, Xarici Kəşfiyyat Xidmətinin general-leytenantı Vasili Boqdan qeyd edir ki, Putinin Rusiyada qurduğu avtoritar rejim təhdidlərə cavab sisteminə ciddi yanaşmağa məcbur edir. Bu, xüsusilə Rusiya Hərbi Dəniz Donanması gününün qeyd edilmə mərasiminin Krımdan Sankt-Peterburqa köçürülməsi ilə əlaqələndirilir.

Ukrayna Xarici Kəşfiyyat Xidmətinin keçmiş rəhbəri Valeri Kondratyukun fikrincə isə, müvəqqəti olaraq işğal olunmuş yarımadaya raketlərin müntəzəm olaraq daxil olması prezidentin təhlükəsizliyini təmin etmir...

Putinə sui-qəsd cəhdləri haqda məlum olanlar...

"UNIAN"-ın əvvəllər yazdığı kimi, bu yaxınlarda Ukrayna Müdafiə Nazirliyinin Baş Kəşfiyyat İdarəsinin rəisi Kirill Budanov Rusiyanın öz daxilində Vladimir Putini öldürməyə bir neçə cəhdin edildiyini bildirib. Baş Kəşfiyyat İdarəsinin rəhbərinin sözlərinə görə, bu, Rusiya elitasının hazırkı vəziyyətdən narazılığını göstərir. Həmçinin nəşr ABŞ-nin nə üçün belə bir texniki imkanları olsa belə, Vladimir Putini fiziki cəhətdən aradan qaldırmağa və ya devirməyə heç vaxt razı olmayacağından da bəhs edib. Kəşfiyyat üzrə ekspert Duqlas London qeyd edir ki, belə bir qətl ABŞ-yə heç bir açıq-aşkar fayda gətirməyəcək, əksinə, çoxlu problemlər yarada, hətta Rusiya Federasiyası ilə müharibəyə gətirib çıxara bilər...

Telegramda izləyin