1885-ci ildə tikilən binanın sakinləri: "Qorxa-qorxa gedib-gəlirik ki, bu dəqiqə başımıza uçacaq" - VİDEO

Çökmək təhlükəsi ilə üzləşən bina və hər gün dualarla yaşayan sakinlər... Ərazi Yasamal rayonu, Zivərbəy Əhmədbəyov küçəsidir. Uçuq-sökük, yararsız vəziyyətdə olan, 10 saylı 2 mərtəbəli, 11 mənzilli yaşayış binasıdır.

Sonxeber.az xəbər verir ki, "ARB Xəbər"in əməkdaşları sözügedən ünvanda olub. 1885-ci ildə tikilən binanın sakinləri deyirlər ki, yaşayış sahəsi bundan artıq tab gətirə bilməyəcək".

"Hər dəqiqə qorxuruq. Ev silkələnir və hər yerdə çatlar var. Evimizi təmir edirik. Amma yenə də çökür. Hər il nə qədər təmir etmək olar? Təmirində xeyri olmayacaq. Artıq bina çöküb gedir. Baxanda yoxdur. Hər yer suyun içindədir".

Binanın əsas pilləkəni təhlükəli vəziyyətdə olduğundan artıq sakinlər istifadə edə bilmirlər. Sakinlər alternativ pilləkəndən istifadə edərək yuxarı mərtəbəyə qalxırlar. Yuxarı mərtəbəyə qalxmaq üçün mütəmadi olaraq istifadə etdikləri pilləkənin hər an çökmək təhlükəsi var.

Ətraflı "ARB Xəbər"in süjetində:

Telegramda izləyin