Nağdsız ödənişlər ARTIR: SƏBƏB NƏDİR? - VİDEO

Azərbaycanda nağdsız ödənişlərin həcmi sürətlə artmaqdadır. Bu istiqamətdə bir sıra stimullaşdırıcı yeniliklərin tətbiqi alıcıların daha çox nağdsız ödəniş etməsiylə nəticələnib. Apardığımız müşahidələr onu deməyə əsas verir ki, alış-veriş edənlərin böyük əksəriyyəti nağdsız ödənişlərə üstünlük verir.

Sonxeber.az xəbər verir ki, mövzu ilə bağlı "İTV Xəbər"in əməkdaşları sakinlər arasında sorğu keçirib. Sorğudan belə anlaşılır ki, bu gün nağdsız ödəniş alış-verişin ayrılmaz hissəsinə çevrilib:

"Kartlarla ödəniş daha rahatdır. Üzərimdə pul qabı gəzdirmədən ödənişi telefon ilə edirəm. Eyni zamanda nağdsız ödənişlərdə keşbek daha çox gəlir. Ümumi xərcimizi bilmək də asanlaşır".

Ölkədə hər il post terminalların, ödəniş kartlarının sayı sürətlə artmaqdadır. Bu da nağdsız ödənişlərə təsirsiz ötüşmür:

"Azərbaycanda pandemiya dövründən bu yana elektron ticarətin həcmi 1 ildə 4 dəfə artdı. Pos-terminal və kartların sayına baxanda hər il artım müşahidə edir. İl ərzində burada 30-40 faiz artımdan söhbət gedir. Təbii ki, bunun vətəndaşa və bank sektoruna böyük üstünlüyü var. Vətəndaşlar ödəniş kartlarından istifadə etməyə maraqlıdır. Bununla da "ƏDV geri al" layihəsi üzrə 17.5 faiz ƏDV vətəndaşın hesabına qayıdır. Bununla yanaşı alışda 2 faizdən çox endirim əldə etmiş olurlar".

Ətraflı "İTV Xəbər "in süjetində:

Telegramda izləyin