Düzgün yuxu rejimini necə TƏNZİMLƏYƏK? - VİDEO

Düzgün yuxu rejimi sağlamlıq üçün başlıca şərtlərdən biridir. Amma bəzən bunu istəyə görə, bəzən də özümüzdən asılı olmayan səbəblərdən pozmalı oluruq. Hər kəs bu kimi halın ürəkaçan olmadığının fərqindədir.

Sonxeber.az xəbər verir ki, tələbə olan Röyal Əhmədova"İTV Xəbər"ə açıqlama verib. O tələbə olduğu halda işləyir və ona uyğun vaxt gecə növbəsidir.

"Mən daha çox səhər növbəsində işləmişəm. Səhər növbəsində işlədiyim vaxtlar səhər saat 10-dan axşam saat 8-ə qədər idi. Evə gəldim və yatdım. Proses belə davam edir. Mən başqa iş görə bilmirəm. Amma gecə növbəsində olanda səhər saat 6 yaxud 7-də gələndə 7-8 saat yuxu yata bilmirəm. 5-6 saat yuxu yatıram və yenidən günüm üçün 5-6 saat vaxtım olur. Onu da səmərəli istifadə etməyə çalışıram".

Mütəxəssislər isə tövsiyə edir ki, iş qrafiki mümkün qədər gündüz vaxtına uyğunlaşdırılmalıdır. Uzunmüddətli yuxusuzluq immun sistemini zəiflədir. Tez-tez qriplərə və xəstəliklərə yol açır.

Ətraflı İTV-nin süjetində:

Telegramda izləyin