Kurska hücum Rusiya rəhbərliyini şoka salıb - Bild"

Ukrayna qoşunlarının Kursk vilayətinə qəfil hücumu Rusiya rəhbəri Vladimir Putini və ölkənin hərbi rəhbərliyini şoka salıb.

Qaynarinfo xəbər verir ki, bu barədə "Bild" yazıb.

Yazıda deyilir ki, Ukrayna Silahlı Qüvvələri yorulmadan düşmənə pilotsuz təyyarələr, raketlər və artilleriya ilə təzyiq göstərir. Ruslar əlavə qüvvələr çağırmağa məcbur oldular, lakin indiyədək bu, düşmənə kömək etməyib. Eyni zamanda, Müharibənin Tədqiqi İnstitutunun analitiklərinin fikrincə, Ukraynanın irəliləməsi bütün hallarda səngiyə bilər.

Nəşr qeyd edir ki, Kursk vilayətində bir neçə gündür xaos hökm sürür. Rusiya hakimiyyəti yerli əhalinin guya uğurlu və könüllü evakuasiya edildiyini açıq şəkildə bildirir.

Ukrayna təhlükəsizlik rəsmiləri arasında olan mənbə, Kursk bölgəsindəki əməliyyatın "Rusiyada sabitliyi pozmaq" məqsədi daşıdığını açıqlayıb.

"Minlərlə Ukrayna əsgəri hücuma keçirik, məqsəd düşmənin mövqelərini dağıtmaq, ona maksimum itki vermək və Rusiyada vəziyyəti pozmaqdır".
"The Economist"in yazır ki, Ukrayna qüvvələrinin Rusiya Federasiyasının Kursk vilayətində əməliyyatı ukraynalıların əhval-ruhiyyəsini yüksəldir, lakin ruslar Ukraynadakı cəbhənin digər sektorlarından bölmələri Ukrayna komandanlığının istədiyi qədər tez çıxarmırlar.

ISW analitiklərinin fikrincə, Kursk vilayətində keçirilən əməliyyat Ukrayna Silahlı Qüvvələrinə cəbhənin bir sektorunda təşəbbüsü ələ keçirməyə imkan verib.

Ukrayna Silahlı Qüvvələrinin mayoru, Üçüncü Əlahiddə Hücum Briqadasının (3-cü İxtisaslaşdırılmış Briqada) komandirinin müavini Maksim Jorin bildirib ki, bu tədbirlərin mühüm üstünlüklərindən biri əsir mübadiləsi fondunun doldurulmasıdır.

Telegramda izləyin