8 yaşlı qız atasını XİLAS ETDİ : Silahlı oğrunu çubuqla DÖYDÜ - FOTO+VİDEO

Minnesota ştatında içki mağazasına silahlı quldurluq cəhdinin qarşısı mağaza sahibinin 8 yaşlı qızı tərəfindən alınıb.

Sonxeber.az xarici mənbəyə istinadən xəbər verir ki, baş verən bu hadisədə balaca qız qulduru beysbol çubuğu ilə döyərək atasını xilas edib. Təhlükəsizlik kamerası görüntülərində şübhəlinin mağazaya girdiyi, kassaya yaxınlaşdığı və ataya silah doğrultduğu görünür.

Azyaşlının atası açıqlamasında bildirib ki, oğru axşam saatlarında mağazanı bağlayan zaman hücum edib. Şübhəli şəxs ilk növbədə silahını piştaxtaya qoyub və mağaza sahibindən kassa olan bütün pulları istəyib. Ata qızının təhlükəsizliyi üçün pulları verməyə razı olub.

Quldur piştaxtanın arxasına keçən zaman mağaza sahibi və onun arasında dava başlayıb. Bu vaxt balaca qız əlində beysbol çubuğu ilə quldura hücum edib və dəfələrlə çubuqla başına vurub.

Azyaşlının atası silahı almağı bacarıb və quldur heç bir pul götürmədən hadisə yerindən qaçıb. Polis qısa müddətdə dodağı qan və gözünün altında kəsik olan şübhəlini yaxalayıb.

Ata qızı ilə fəxr etdiyi və təhlükəsizlik kameralarını izləyənə qədər qızının ona kömək etdiyini bilmədiyini deyib.

Ətraflı videomaterialı təqdim edirik:

Telegramda izləyin