Bu kənddə meyvə verən KAKTUS YETİŞDİRİLİR: Şəkər və şiş xəstəliklərinin DƏRMANIDIR - VİDEO

Bura nə Meksikanın şəhəridir, nə də Afrikanın. Kadrlar Azərbaycanda - əsasən otaq bitkisi kimi tanınan kaktusların yetişdirildiyi Suluçeşmə kəndindəndir. Kənd boyunca bütün həyətyanı sahələrdə meyvəsidə olan kaktuslara rast gələ bilərsiniz. Azərbaycanın iqlim şəraiti və torpaqlarına xas olmayan kaktusun məhz Cəlilabadda yetişməsi məhz 40 il əvvəl aşkarlanıb. Bu müddət ərzində bitki məqsədyönlü şəkildə becərilib. Əsasən bostanların kənarında əkilir ki, mal-qara ərazilərə zərər verməsin. Yəni bir növ yaşıl çəpər rolunu oynayır. Elə uzun illər çoxaldılmasının səbəbi budur:

Sonxeber.az xəbər verir ki, kənd sakinləri "Aztv Xəbər"ə danışıb:

"Tikanların hesabına mal-qara ərazilərə keçə bilmir. Ona görə çəpər kimi istifadə olunur. Kaktusun üzərində meyvələri var. Bəziləri kaldır. Amma onu kəsəndə içərisi qırmızı olur. Yəni bu növ kaktuslar yemək üçündür".

Digər tərəfdən sakinlər tıkanlı armuda bənzər bu bitkinin barından istifadə edirlər. Çünki kaktusun meyvəsi vitaminlərlə zəngindir. Qan dövran xəstəliklərinin müalicəsi üçün xeyirli faydalıdır.

Ətraflı videomaterialı təqdim edirik:

Telegramda izləyin