Camaat AAYDA ilə Sabunçu RİH-nin "müraciət intizarı"ndan NARAZIDIR - VİDEO

Zabrat qəsəbəsi Vaqif 7A, Ruhulla Axundov və Nizami küçələrində yollar keçilməz haldadır. Sözügedən küçələrdə yaşayan insanların iddiasına görə, yolların bərpasına ehtiyac olsa da, 50 ildir ki, Zabratın mərkəzi küçələrinin abadlaşdırılmasına diqqət ayrılmır. Bu da payız və qış aylarında onların işini çətinə salır.

Sonxeber.az xəbər verir ki, sakinlər problem ilə bağlı "Apa TV"yə açıqlama verib:

"Sular evin qabağına yığılır. Təcili tibbi yardım maşını hələ bilmir. Palçığın içində yaşayırıq. Oğlum məktəbdə işləyir və gedə bilmir. 30 ildir mən burada yaşayıram. Bu müddət ərzində yolu abadlaşdırmırlar və asfaltlamırlar. Uşaqlar artıq məktəbə gedə bilmir. Elə olur ki, az qala uşaqların ayağı qırılsın. Dəfələrlə şikayət etmişik. Heç kim baxmır".

Məsələ ilə bağlı Azərbaycan Avtomobil Yolları Dövlət Agentliyi ilə əlaqə saxlanılıb. Qurumun mətbuat xidmətindən bildirilib ki, bu barədə yerli icra strukturları agentliyə təqdimat verməlidir.

Ətraflı "Apa TV"nin süjetində:

Telegramda izləyin