Qanunsuz kredit verən platformalardan istifadə edən vətəndaşları hansı problemlər gözləyir ? - AÇIQLAMA

Tək şəxsiyyət vəsiqəsiylə kredit verən qeyri-rəsmi platformalara kredit üçün müraciət edənlərin sayı artıb. Bu platformalar vətəndaşların bütün şəxsi məlumatları ilə yanaşı, bank hesablarını da əldə edirlər.

Bəs görəsən bu platformalardan istifadə edən vətəndaşları gələcəkdə hansı problemlər gözləyir ?

Məsələ ilə bağlı Sonxeber.az -a açıqlama verən ekspert Elman Sadıqov vətəndaşları diqqətli olmağa çağırıb:

"Müasir dünyanın ən əsas tələblərindən biri rəqəmsallaşma, avtomatlaşmadırma, robotlaşdırma və yeni texnologiyaların tətbiqidir. Hal-hazırda maliyyə sistemində ən öndə gedən trendlərdən biri rəqəmsallaşmadır. Rəqəmsallaşma və yeni texnologiyaların tətbiqi imkan verir ki, sizin qapalı sistemlərdə olan məlumatlarınız açıq sistemlərə keçsin və ya onlayn xidmətlərin sayı artsın. Onlayn xidmətlərin sayı artdıqca ortaya ən önəmli məsələlərdən biri olan kibertəhlükəsizlik çıxır. Təkcə mailiyyə sektoru yox, bütün sahələrdə - dövlət müəssiələri, bank sektoru, qeyri dövlət müəssiələri, özəl müəssiələrdə rəqəmsallaşma prosesi sürətli gedir. Lakin burada ən önəmli məsələlərdən biri şəxsi məlumatların təhlükəsizliyidir. Çünki rəqəmsallaşma inkişaf etdikcə həm hakerlər, həm də bu sistemlərə müdaxilə etmək istəyənlər inkişaf edir. Onlar daha da öz üzərlərində işləyirlər. Vətəndaşların məlumatlarını əldə etmək üçün yeni metodlar tapırlar. Buna görə də düşünürəm ki, bütün onlayn xidmət göstərən şəbəkələr – istər qeyd edilən kredit verən platformalar, istərsə də bankların özlərinin sosial platformaları üçün kibertəhlükəsizlik məsələləri mütləq öndə gəlməlidir. Nəyisə tətbiq edib sonra kibertəhlükəsizlik barədə düşünmək əvəzinə, öncə kibertəhlükəsizliyi düşünmək və sonra həmin yenilikləri tətbiq etmək önəmlidir. Bu xidmətləri onlayn təşkil edən şirkətlər vətəndaşların şəxsi məlumatları ilə bağlı məsuliyyət daşıyırlar. Ona görə burada önəmli olan məsələ məsuliyyət və işlərin düzgün təşkilidir. Vətəndaşların şəxsi məlumatlarına həssas yanaşılmalıdır. Burda iş daha çox nəzarətedici orqanlara düşür ki, onlar faktiki olaraq bu cür xidmət göstərən sistemlər üzrə kibertəhlükəsizlik məsələlərinin hansı səviyyədə həll olunduğunu yoxlaya və bu barədə ictimaiyyətə məlumat verə bilərlər. Həmin sistemlərdən istifadə edən vəətndaşlarımız da öz növbələrində istifadə etdikləri platformaları araşdırmalı və diqqətli olmalıdırlar".

Çiçək Sadatova

Telegramda izləyin