Xarici məhsullar bazarı İŞĞAL EDİR: Ölkəmizdə onlayn alış-veriş platforması YARADILACAQ? - ŞƏRH

Azərbaycanda "Trendyol" və "Temu" kimi onlayn alış-veriş platformalarından istifadə edənlərin sayı kifayət qədərdir. Vətəndaşlar Türkiyədən mal və xidmətləri istehlak edərkən daha az xərc çəkir və ailə büdcəsini daha sərbəst şəkildə idarə edir. Tələbatın artması Türkiyə məhsullarının Azərbaycan bazarında daha rəqabətli olmasına səbəb olur. Xarici məhsulları Azərbaycan bazarında rəqabətli olması yerli məhsulları sıxışdıra bilir.

"Trendyol" Azərbaycan bazarına daha əvvəl daxil olduğu üçün istifadəçilər daha çox bu platformadan alış-veriş edirlər. Türkiyə Azərbaycanın əsas xarici tərəfdaşlarından biridir. LAkin "Trendyol" və "Temu" üzərindən Azərbaycana gətirilən məhsulların keyfiyyəti ilə bağlı narazılıqlar da mövcuddur:

Mövzu ilə bağlı Sonxeber.az-a iqtisadçı ekspert Eyyub Kərimli açıqlama verib:
"Bizim ölkədə bu cür internet platformalarının yaradılması ilə bağlı addımlar atıla bilər. Bu həm də sahibkarlığın və xarici ticarət əlaqələrimizin inkişafına təsir göstərə bilər. Bu baxımdan sahibkarlarımızın fəaliyyəti qurulmalıdır. Həmin platformaların fermerlərimiz və digər sahədə fəaliyyət göstərən sahibkarlarımızın xarici çıxışını təmin edə bilər. Lakin bu cür platformalar yerli istehsalın daha inkişaf etdirilməsini tələb edir. Həmin məhsullar xarici bazarda daha rəqabətli olmalı və rəqabətliliyi qorumalıdır".

Qeyd edək ki, Azərbaycanın Türkiyə və xarci bazarlara ixracının əsasını enerji məhsulları təşkil edir. Azərbaycanda xarici məhsullar Azərbaycan bazarını işğal edir. Yerli məhsulların xarici mallar qarşısında sıxışdırılması yaxşı vəziyyət deyil. Yerli məhsullara olan tələbat və keyfiyyət artırılmalıdır.

Sevda Səfərova

Telegramda izləyin