Avtomobil qiymətində olan mobil nömrələr: tələbat, yoxsa ədabazlıq? - VİDEO

2 min, 3 min, 5 min, 10 min manat və daha baha. Qiymətlər satışa çıxarılan mobil nömrələrə aiddir. Halbuki ölkədə fəaliyyət göstərən mobil operatorların hər bir müştərilərə qiyməti 2-3 manatdan başlayan nömrələr də təklif edir.

Sonxeber.az xəbər verir ki, mövzu ilə bağlı Aztv-nin əməkdaşları sakinlər arasında sorğu keçirib:

"Qiymətdən daha çox rəqəmlərə fikir verirəm. Özəl rəqəmlər olmalıdır və son rəqəmlərinə baxaraq nömrə seçirəm. 3 manatlıq nömrəyə də zəng və mesaj gəlir. 2 min manatlıq nömrəyə də. Heç bir mənası yoxdur. O qədər bahalı nömrə almağın nə mənası var? Heç bir nömrəyə 3 min, 5 min manat vermərəm".

Satıcılar deyir ki, nömrə qiymətləri mobil operator və müştəri sifarişinə görə dəyişir. Seçimlər isə müxtəlifdir. Elə cütlüklər və qohumluq əlaqələri olan şəxslər var ki, bənzər mobil nömrələrə üstünlük verirlər. Bəzənsə, iki eyni nömrəni fərqli mobil operatorlardan sifariş edirlər. Belə olan təqdirdə qiymətin bahalığı o qədər əhəmiyyət daşımır.

Ətraflı Aztv-nin süjetində:

Telegramda izləyin