Çəkdiyi rəsmlərlə görənləri heyran edir - VİDEO

Fərman Hüseynov 75 illik ömür yolunun 50 ilini rənglər arasında keçirib. Onun əsərlərinə baxdıqca ötən illərinin hədər getmədiyinə bir daha şahid olduq. Xüsusən miniatür sənətinə bağlanan rəssam bu istiqamətdə xeyli əsər yaradıb.

Sonxeber.az xəbər verir ki, mövzu ilə bağlı Fərman Hüseynov Aztv-nin əməkdaşlarına açıqlama verib:

"Gördüyünüz rəsm əsəri miniatür üslubunda işlənmiş digmvar rəsmidir. Bu rəsm kempra boyası ilə işlənib. Əsər Şəmkir Tarix Diyarşünaslıq Muzeyinin foyesində yerləşir. Burada olduğu üçün həmin əsəri toy mövzusuna həsr etdim. Burada bütün Azərbaycana xas olan toy adət-ənənələrimiz göstərilib".

73 kvadratmetrlik divar rəsmindən görünür ki, milli adət-ənənələrimiz və vətənpərvərlik mövzusu Fərman Hüseynovun yaradıcılığının ana xəttini təşkil edir. Şəmkir şəhərində yaşayıb-yaradan Fərman Hüseynov ölkəmizdə sayı elə də çox olmayan miniatürçü rəssam arasında öz dəst-xətti ilə seçilir.

Daha ətraflı videomaterialı təqdim edirik:

Telegramda izləyin