Dönər satıcısı dostu tərəfindən öldürüldü

Adanada dönər satıcısı mübahisə etdiyi dostu tərəfindən döyülərək öldürülüb.

Sonxeber.az türk mediasına istinadən xəbər verir ki, hadisə Sarıçam rayonunun Çarkıpare qəsəbəsində baş verib.

İddiaya görə, dönərçi Ozan Alpay (27) işləyərkən yanına gələn dostu Gökhan B. (31) ilə mübahisə etməyə başlayıb. Mübahisə zamanı hər iki tərəf bir-birini söyüb. Gökhan B. mübahisə zamanı Alpayı döyüb, daha sonra sinəsindən bıçaqlayaraq qaçıb.

Məlumat verildikdən sonra əraziyə təcili tibbi yardım və polis sövq edilib. Hadisə yerinə gələn təcili tibbi yardım əməkdaşları ağır yaralanan Ozan Alpayı Adana Şəhər Xəstəxanasına çatdırıblar. Həkimlərin müdaxilələrinə baxmayaraq Alpay xilas ola bilməyib. Asayiş Şöbə Müdirliyinə bağlı Cinayət Büro Komandirliyi əməkdaşları, şübhəlinin tutulması üçün əməliyyat başladıb.

Ərazidəki təhlükəsizlik kameralarını izləyən polis şübhəli şəxsi evində keçirdiyi axtarış zamanı saxlayıb.

Şübhəli Gökhan B. polis bölməsində ifadəsi zamanı "Sərxoş idim, dava etdik. O söyüş söydüyü üçün hirsləndim və bıçaqla onu vurdum" , - deyə bildirib.

İfadəsinin ardından ədliyyəyə sövq edilən şübhəli məhkəmə tərəfindən həbs edilib.

Telegramda izləyin

instagramda izləyin