Hotel otağında dəhşət - Sevgilisini öldürdü

Beyoğluda bir şəxs mübahisə zamanı sevgilisini döyərək öldürüb.

Soxeber.az türk mediasına istinadən xəbər verir ki, hadisə saat 13.30 radələrində Beyoğlu Şehit Muxtar Məhəlləsində yerləşən otelin 1-ci mərtəbəsində baş verib.

Maıa A. və sevgilisi Mehmet E. qaldıqları otel otağında mübahisə ediblər. Otel işçilərinin bütün xəbərdarlıqlarına baxmayaraq, mübahisə bir müddət sonra davaya çevrilib. Bu zaman Mehmet E. əcnəbi sevgilisi Maıa A.-nı masadan götürdüyü əşya ilə vurub. Qadın aldığı zərbələrdən yerə yıxılıb. Mehmet E. oteldən qaçıb.

Mehmet E.-nin oteldən qaçdığını görən otel işçisi Hakan Karaçam onun arxasınca qaçaraq saxlayıb.

Hadisədən xəbər tutan vətəndaşlar polis və təcili tibbi yardıma məlumat verib. Hadisə yerinə gələn təcili tibbi yardım əməkdaşları Maıa A.-ya ilkin tibbi yardım göstərib, daha sonra onu xəstəxanaya aparıblar. Xəstəxanaya aparılan əcnəbi qadını bütün müdaxilələrə baxmayaraq xilas etmək mümkün olmayıb. Otel polis tərəfindən möhürlənib.

Otel işçisi Hakan Karaçam tərəfindən tutulan şübhəli polis idarəsinə aparılıb.

Hadisə ilə bağlı istintaq başladılıb.

Telegramda izləyin

instagramda izləyin