Qızını döyən keçmiş kürəkənini ayaqlarından güllələdi

Bursada keçmiş kürəkənini ayaqlarından güllələyən Səlim.B saxlanılıb.

Sonxeber.az türk mediasına istinadən xəbər verir ki, Hadisə Osmanqazi rayonunun Altınova məhəlləsindəki yeni məhkəmə binasının dayanacağında baş verib.

Qızı Ayşe U-nun boşanma məhkəməsinə qatılan Səlim B, məhkəmədən sonra avtomobilini götürmək üçün getdiyi parkinqdə qızının kürəkəni İlyas U. tərəfindən maşında döyüldüyünü görüb.

Əsəbləşən Səlim.B. əvvəlcə havaya 2, sonra isə avtomobilə 3 atəş açıb. O daha sonra əlindəki silahı kürəkəninə doğrultaraq daha iki atəş açaraq onu ayaqlarından yaralayıb.

Daha sonra Səlim B. hadisə yerindən qaçıb.

O iş yerinə gedib vəkilini çağırıb. Daha sonra vəkili ilə birlikdə polisə gedərək təslim olub. Səlim B polis idarəsindəki ifadəsindən sonra ədliyyəyə göndərilib.

Məhkəmənin hökmü ilə Səlim B-yə ev həbsi cəzası verilib. Məhkəmə, Səlim B-nin həbs olunmamasına səbəb kimi qızının döyüldüyünü göstərib. Kürəkənin vəziyyətinin yaxşı olduğu bildirilir.

Hadisə ilə bağlı istintaq davam edir.

Telegramda izləyin

instagramda izləyin