COP29 yaxınlaşır: Ermənistan törətdiyi ekoloji terror aktlarına görə CƏZALANDIRILACAQ? - ŞƏRH

Bu ilin noyabrında ölkəmizdə COP29 tədbiri keçiriləcək. Ermənistan 30 ildir işğal altında saxladığı Azərbaycan ərazilərində meşə sahələrinə, bioloji müxtəlifliyə yeraltı və yerüstü təbii sərvətlərə zərər vurmaqla terror aktları törədib. Bununla bağlı kifayət qədər faktlar mövcuddur. Məsələ ilə bağlı beynəlxalq təşkilatlara müraciətlər edilib. Vaxt var idi ki, ermənilər Ermənistan ərazisində toplanan təhlükəli tullantıları işğal olunmuş Azərbaycan ərazisinə daşıyaraq orada basdırırdılar. Aparılan bərpa-quruculuq tədbirləri sayəsində Qarabağa həyat yenidən qayıdır.

Ermənistan tərəfinin COP29 iştirak edib-etməyəcəyi hələ də sual altındadır. Çünki qarşı tərəf bununla bağlı mövqe bildirməyin hələ tez olduğunu deyib. Bəs tədirdə COP29 tədbirində Ermənistanın işğal dönəmində ölkəmizə və bəşəriyyətə qarşı törətdiyi ekoloji cinayətlər ilə bağlı məsələ qaldırılacaq?

Mövzunu Sonxeber.az-a danışan siyasi şərhçi Asif Nərimanlı deyib ki, COP29 dünyanın iqlim problemlərinə həsr olunub. Əlbəttə ki, burada Cənubi Qafqazdan da danışılmalıdır:

"Tədbiri keçirən ölkənin ekoloji fəlakətlə üzləşdiyi problemlər var. Ermənistan işğal dövründə və sonrasında ərazilərə ekoloji baxımdan zərbə vurub. Bu günün özündə belə Qərbi Azərbaycan adlandırdığımız tarixi torpaqlarımızda, Zəngəzurda, Göyçə mahalında ekoloji fəlakət törədilir. Göyçə gölü ekoloji fəlakətlə üzləşir. Metsamor AES təkcə öz ölkəsi üçün yox, ümumilikdə region üçün ciddi təhlükədir. Bu təhlükəyə iki kontekstdən yanaşmaq olar. Birincisi Metsamor AES kifayət qədər köhnə bir sistemdir. İstənilən vaxtda baş verə biləcək sızıntı bölgədə nüvə təhlükəsi yarada bilər. İstənilən vaxtda baş verə biləcək sızıntı bölgədə nüvə təhlükəsi yarada bilər. Digər tərəfdən Metsamorun buraxdığı radiasiya bitki örtüyünə, havaya ciddi zərər vurur. İğdır bölgəsi Metsamora yaxındır. İnsanlarda son 30-40 ildə xərçəng xəstəliyi sürətlə yayılır. Bunun əsas səbəbi kimi Metsamor AES qiymətləndirilir".

Siyasi şərhçinin sözlərinə görə, ekologiyaya vurduğu zərər və nüvə təhlükəsinə görə Metsamor AES sökülməlidir. Avropanın özü də bu məsələni gündəmə gətirir. Ermənistan söz vermişdi ki, 2005-ci ildə Metsamor AES ləğv ediləcək. Amma sözlərində durmadılar və prosesi uzatmağa davam edirlər:

"Tədbirdə bu məsələ gündəmə gətirilməlidir. Bu gün Ermənistanın törətdiyi ekoloji fəlakət Azərbaycana və Gürcüstana birbaşa təsir edir. Zəngəzurda mis zavodu var. Onları heç bir ekoloji qaydaları gözləmədən işlədiyinə dair məlumatlar var. Rəsmi Bakı bu məsələləri mütləq qaldıracaqdır. Bu bir fürsətdir və bugün dünyanın diqqəti adıçəkilən məqamlara yönləndiriləcək. Ermənistana müəyyən bir proqramlar təqdim edilməli və qəbul etdirilməlidir. COP29 bütün bu problemlərin həlli üçün əsas platforma olacaq".

Sevda Səfərova

Telegramda izləyin

instagramda izləyin