Müəllimlərə dövlət qulluqçusu statusu VERİLƏCƏK? - AÇIQLAMA

Bu gün təhsilimiz müəllimlərin çiyinləri üzərindədir. Birmənalı şəkildə təhsil verənlərin sosial müdafiəsini artırmalıyıq. Müəllimlər ixtsaslarında malışmaq üçün imtahanlar verir və sertifikasiyaya cəlb olunurlar. Dövlət qulluqçusu statusunun olmaması müəllimləri bir sıra imtiyazlardan məhrum edir. Müəllimlərə dövlət quluqçusu statusunun verilməsi ilə bağlı müzakirələr aparılsa da, bu istiqamətdə elə bir irəliləyiş yoxdur.

Bəs müəllimlərə dövlət qulluqçusu statusu veriləcək? Mövzunu Sonxeber.az-a danışan təhsil eksperti Elşən Qafarov deyib ki, Müəllimlərə dövlət qulluğu statusunun verilməsi müzakirə olunan mövzusu deyil:

""Dövlət qulluğu haqqında" Azərbaycan Respublikası Qanununun göstərilmiş hallar müəllim peşəsi ilə uyğunluq təşkil etmir. Ona görə də müəllimlərə bu statusun verilməsi nə qanunvericiliyə uyğundur, nə də müzakirə olunur. Gələcəkdə bu reallaşan hal deyil. Dünyanın heç bir yerində yoxdur ki, müəllim orada dövlət qulluqçusu olsun".

Ekspertin sözlərinə görə, bu fikri sosial şəbəkələrdə bəzi yoldaşlarımız paylaşırlar:

"Amma sosial şəbəkədə paylaşılan bu fikrin nə hüquqi mənası var, nə də sosial bazası var. Ona görə də bu mövzunu müzakirə etmək məqsədəuyğun deyil. Kimlərin dövlət qulluqçusu ola biləcəyi qanunvericilikdə öz əksini tapıb. Müəllimlər pedaqoji fəaliyyət olan şəxslərdir. Pedaqoji fəaliyyətin dövlət qulluğu ilə oxşarlığı yoxdur. Hər ikisi də fərqli sahələrdir".

Sevda Səfərova

Telegramda izləyin

instagramda izləyin