Metrodakı sıxlığın qarşısını almaq üçün hansı addımlar atılmalıdır? - AÇIQLAMA

Yeni tədris ilinin başlaması ilə əlaqədar olaraq metroda şiddətli sıxlıq müşahidə olunur. Qatarların gecikməsi, eskalatorlardan yalnız birinin işləməsi bu problemi daha da böyüdür.Bəs görəsən metrodakı sıxlığın aradan qaldırılması üçün hansı addımlar atılmalıdır ?

Mövzu ilə bağlı Sonxeber.az- a açıqlama verən nəqliyyat eksperti Elməddin Muradlı bildirib ki, bunun üçün metroya texniki dəstək lazımdır:

"Metrodakı problemlərin həlli üçün metro şəbəkəsini inkişaf etdirmək lazımdır. Yeni qatarlar alınmalıdır. İnterval azalmalıdır ki, insanlar vaxtında və rahat şəkildə hərəkət eləyə bilsinlər. İnsanları metroya həvəsləndirmək üçün bu addımlar mütləq atılmalıdır. Hazırda köhnə qatarlar hələ də istismardadır. Yenilərin alınıb gətirilməsi çox vaxt aparır. Bunlar da təbii ki, müəyyən çətinliklərə səbəb olur. Metroya texniki dəstək mütləq lazımdır. Eskalatorların işləməməsi, digər texniki vasitələrin işlək vəziyyətdə olmaması ciddi problemdir. Vaxtında onları yoxlamaq, qüsurları aradan qaldırmaq lazımdır. Yeni dərs ili başlayır və birdən-birə məlum olur ki, problem var. Bu problemləri aradan qaldırmaq isə xeyli vaxt aparacaq. Bu məsələlərə vaxtında diqqət göstərilməlidir ki, sonradan ciddi problemlərlə üzləşməyək".

Çiçək Sadatova

Telegramda izləyin