Diş müalicəsi uzun çəkdiyi üçün klinikanı gülllələdi

Adana Seyhanlı Orhan A. (22) diş müalicəsinin uzanmasına əsəbiləşib.

Sonxeber.az türk mediasına istinadən xəbər verir ki, gecə saatlarında dostu Muhammed Can K. (21) ilə müalicə aldığı diş klinikasına gedən Orhan A. ov tüfəngi ilə klinikaya atəş açıb, daha sonra dostu Muhammed Can K.-nin idarə etdiyi motosikletlə hadisə yerindən qaçıblar.

Səhər saatlarında iş yerini açan Doğan T. (55) silahlı hücum nəticəsində şüşələrin qırıldığını görüb və vəziyyəti polisə xəbər verib. Hadisə yerinə Asayiş Şöbə Müdirliyinə bağlı Qəsb Büro Komandirliyi polisləri sövq edilib. Bölgəyə gələn polislər təhlükəsizlik kameralarını izləyib.

Aparılan araşdırmalardan sonra şübhəlilər evlərində keçirilən əməliyyat zamanı saxlanılıb.

Şübhəlilərdən Orxan A. polis idarəsindəki ifadəsində: "Diş müalicəm uzun çəkdiyi üçün əsəbiləşib bu addımı atdım" deyib.

Şübhəlilər polis bölməsindəki ifadələrindən sonra ədliyyəyə sövq edilərək məhkəmə tərəfindən həbs ediliblər.

Telegramda izləyin