Binadan gələn pis qoxunun səbəbi evində ölən şəxs imiş

Muratpaşa rayonu, Meydankavağı məhəlləsində yerləşən 4 mərtəbəli yaşayış binasının sakinləri binadan gələn pis qoxudan şikayət edərək vəziyyəti binanın müdirinə bildiriblər.

Sonxeber.az türk mediasına istinadən xəbər verir ki, müdir pis qoxunun 4-cü mərtəbədən gəldiyini müəyyən etdib. Mənzildə yaşayan Seyfəddin Özzencirlə əlaqə saxlamağa çalışıb.

Bütün zənglərinə baxmayaraq Özzencirlə əlaqə saxlaya bilməyən bina müdiri vəziyyəti 112 Təcili Zəng Mərkəzinə çatdırıb.

Məlumat üzərinə polis, təcili tibbi yardım və xilasetmə qrupları mənzilə sövq edilib. Yayılan kəskin qoxuya görə maska taxmaq məcburiyyətində qalan qruplar içəri girəndə tək yaşayan Seyfəddin Özzencirin öldüyünü müəyyən ediblər.

Hadisə yerinə prokuror və hadisə yeri araşdırma qrupları cəlb edilib. Vəziyyət Özzencirin yaxınlarına bildirilib.

Binaya Seyfəddin Özzencirin qızı Merve, oğlu Mert, keçmiş həyat yoldaşı, qardaşı və digər yaxınları da gəlib.

Dərin kədərlənən Özzencirin qızı Merve ayaqda durmaqda çətinlik çəkib. Yerə yıxılan gənc qızı qardaşı Mert qucaqlayaraq sakitləşdirməyə çalışıb.

Hadisə yerinin araşdırılmasının ardından Seyfəddin Özzencirin meyiti tibbi ekspertizaya aparılıb.

Ekspertiza Özzencirin tapılmazdan bir həftə əvvəl öldüyünü müəyyənləşdirib.

Araşdırma zamanı Özzencirin 8 gün əvvəl qonşusu ilə mübahisə etdiyi və polisin onun barəsində şikayət aldığı öyrənilib.

Hadisə ilə bağlı istintaq başladılıb.

Telegramda izləyin

instagramda izləyin