"Dövlət Suverenliyi Gününün təsis edilməsi hər bir Azərbaycan vətəndaşının arzusu idi" - Emil Əkbərov

Prezident İlham Əliyev Azərbaycan Respublikasında Dövlət Suverenliyi Gününün təsis edilməsi haqqında Sərəncam imzalayıb. Sərəncama əsasən hər il sentyabrın 20-si Azərbaycan Respublikasında Dövlət Suverenliyi Günü kimi qeyd ediləcək.

Bununla bağlı Sonxeber.az-a danışan "BiG Media" MMC-nin direktoru Emil Əkbərov bildirib ki, cənab prezident İlham Əliyevin Dövlət Suverenliyi Gününün təsis edilməsi haqqında imzaladığı sərəncam hər bir vətəndaşımızın, xüsusilə şəhid ailələrinin böyük arzusu idi:

"Cənab prezidentin imzaladığı bu sərəncam həm 44 günlük Vətən müharibəsi dövründə həm də antiter­ror tədbirlərində şəhid olan oğullarımızın ruhuna böyük ehtiramdır. Bilirsiniz ki, bu gün Azərbaycan Silahlı Qüvvələrinin Qarabağda keçirdiyi lokal xarakterli antiter­ror tədbirlərindən bir il ötür. Cəmi 23 saat 43 dəqiqə davam edən antiter­ror tədbirləri Ermənistanın 3 ilə yaxın müddətdə yerinə yetirmədiyi üçtərəfli bəyanatın 4-cü bəndinin icrasını tezləşdirdi. Bəyanatın 4-cü bəndinə əsasən Ermənistan silahlı qüvvələri Qarabağ ərazisindən çıxarılmalı idi. Amma Ermənistan Azərbaycan ərazisində qanunsuz fəaliyyət göstərən silahlı qüvvələrini çıxarmaqdan boyun qaçırırdı. Ermənistan 3 il ərzində Azərbaycan tərəfinin xəbərdarlığından nəticə çıxarmadı, ərazilərimizin minalanmasını davam etdirdi və sistemli şəkildə təxribatlara əl atdı. Həmin təxribatların nəticəsində Ağdam və Şuşa şəhərlərində iki mülki əməkdaş həlak olub. Azərbaycan Ermənistanın növbəti işğalçı siyasətinə göz yuma bilməzdi. Çünki Azərbaycan torpaqlarında qanunsuz fəaliyyət göstərən erməni silahlı qüvvələri suverenliyimizə və ərazi bütövlüyümüzə təhdid idi. Ona görə də Azərbaycansentyabrın 19-u Azərbaycan Qarabağda lokal xarakterli antiter­ror tədbirlərinə başladı".

Emil Əkbərov qeyd edib ki, cəmi 23 saat 43 dəqiqə davam edən antiter­ror tədbirləri ərazi bütövlüyümüzü və dövlət suverenliyimizi tam bərpası ilə nəticələndi:

"Azərbaycan ordusunun qarşında tab gətirməyən erməni separatçılar ağ bayraq qaldıraraq təslim oldu, Qarabağda qeyri-qanuni fəaliyyət göstərən xunta rejimi ləğv olundu. Ən önəmlisi isə separatçıların əsas rəhbərləri həbs edilərək Bakıya gətirildi. Bir sözlə cəmi 23 saat 43 dəqiqə davam edən antiter­ror tədbirləri Ermənistana, onun havadarlarına Azərbaycan ordusunun gücünü bir daha sübut etdi".

Telegramda izləyin

instagramda izləyin