Masaj salonunda işləyən qadının üzünə "kislota" atıb qaçdı

İsmetpaşada bir şəxs masaj salonunda işləyən qadının üzünə "kislota" ataraq qaçıb.

Sonxeber.az türk mediasına istinadən xəbər verir ki, Ramazan Akarsu ədavəti olan Buket Arıyelin üzünə işlədiyi masaj salonunda "kislota" ataraq qaçıb. Arıyelin qışqırtısını eşidən ətrafdakı insanlar vəziyyəti 112 Təcili Zəng Mərkəzinə bildiriblər. Yaralı Buket Arıyel hadisə yerinə gələn təcili tibbi yardım əməkdaşlarının ilk müdaxiləsindən sonra Çanaqqala Mehmet Akif Ersoy Dövlət Xəstəxanasına aparılıb. Polis şübhəli Ramazan Akarsunu saxlayıb. Polis bölməsindəki ifadəsindən sonra ədliyyəyə sövq edilən Ramazan Akarsu ədliyyədə həbs edilib.

Ramazan Akarsu 2-ci Asliye Cəza Məhkəməsində, Buket Arıyelə qarşı 'dəhşət hissi ilə silahla qəsdən yaralama' cinayətindən iş açılıb. Məhkəmə zalında Buket Arıyel də olub.

Ramazan Akarsu məhkəmədəki müdafiəsində: "Əvvəlki müdafiələrimi təkrar edirəm. Buketə ehtiyacı olanda pul göndərirdim. Onun məhkəməyə təqdim etdiyi 239 min 600 lirəlik dərman xərclərini qarşılamaq istəyirəm" , - deyə bildirib.

Tərəflər dinlənildikdən sonra Akarsunun həbsinin davam etdirilməsinə qərar verilib. Növbəti məhkəmə oktyabrın 10-da keçiriləcək.

Telegramda izləyin

instagramda izləyin