Bu rəssamın "yeməkləri" görənləri heyran qoyur: Ağız sulandıran "TƏAM"LAR - VİDEO

Şəkidə rəssam Mənsur Əzizlinin açdığı süfrə ailədə iştahını itirənləri sağaldır. Burada Şəkinin bütün təamlarını görmək mümkündür. Lakin nağıllarda olduğu kimi bu süfrədə təamlara yalnız baxmaq olar. Dadmaq isə mümkün deyil.

Piti, Şəki halvası, lobyalı aş və cürbəcür yeməklər. Şəkidə hər hansı restorana girib sifariş verə biləcəyiniz istənilən təam var. Şəkidə Sənətkarlar evində açılan süfrə bura gələn yerli və xarici turistlərin diqqətini cəlb edir. Burada gördüklərinin sadəcə rəssam işi və butaforiya olması onları təəccübləndirir.

Sonxeber.az xəbər verir ki, Aztv-nin əməkdaşları maraqlı süjet hazırlayıb:

"İlk təəssüratım bunların hamısını yemək arzusu idi. Hər yemək eksponatinün qarşısından keçəndə sözün əsl mənasında ağzının suyu axır. Toyuğun budundan qoparmaq, şəkərburanı dişləmək kimi müsbət təəssüratlar yaranır. Mən burada Şəki mətbəxini və Azərbaycanın ləziz yeməklərini gördüm. Bunlar çox gözəldir. Ümidvaram ki bu muzey öz bəhrəsini verəcək. Şəxsən mən ABŞ -də Azərbaycan yeməkləri haqqında danışacağam".

Otağa daxil olarkən insan özünü yemək festivalındakı kimi hiss edir. Rəssam yemək və şirniyyatlar ilə yanaşı onların bişirilmə qaydalarını əyani şəkildə göstərib.

Ətraflı Aztv-nin süjetində:

Telegramda izləyin

instagramda izləyin